छत्रपती संभाजीनगर : डॉ. बाबासाहेब आंबेडकर मराठवाडा विद्यापीठाने मनुष्यबळासाठी नियुक्त केलेल्या ‘महाराणा एजन्सी सिक्युरिटी अ‍ॅण्ड लेबर सप्लायर’ या संस्थेला गंभीर करारभंग आणि कामगार हक्कांचे उल्लंघन केल्याच्या आरोपावरून कायदेशीर नोटीस बजावली आहे. सात दिवसांत सर्व प्रलंबित पगार वितरित करून आवश्यक कायदेशीर देयकांचे पुरावे सादर न केल्यास एजन्सीविरोधात फौजदारी आणि दिवाणी स्वरूपाची कारवाई करण्याचा इशारा विद्यापीठ प्रशासनाने दिला आहे.