हिंगोली पंचायत समितीच्या उपसभापतीपदी ज्ञानबा कवडे यांची बिनविरोध निवड

हिंगोली : येथील पंचायत समितीच्या उपसभापती पदासाठी सोमवारी ( ता.पाच ) झालेल्या निवडीत महाविकास आघाडीचे ज्ञानबा कवडे यांची बिनविरोध निवड झाली. 

हिंगोली पंचायत समितीत महाविकास आघाडीची सत्ता आहे. मागील ता.पाच फेब्रुवारी रोजी काँग्रेसच्या उपसभापती  गंगाबाई गावंडे यांचा सव्वा वर्षाचा कार्यकाळ संपल्याने त्यांनी सभापती यांच्याकडे राजीनामा दिला होता. या रिक्त जागेसाठी सोमवारी झालेल्या निवड प्रक्रियेत काँग्रेसचे ज्ञानबा कवडे यांचा एकमेव अर्ज आल्याने त्यांची बिनविरोध निवड निर्वाचन अधिकारी यांनी केली आहे. 

उपसभापती निवडीच्या प्रक्रियेला येथील पंचायत समितीच्या सभागृहात सकाळी दहा ते १२ यावेळेत नामनिर्देशन अर्ज सादर करण्यासाठी वेळ दिला होता. मात्र एकच अर्ज आल्याने ज्ञानबा कवडे यांची बिनविरोध निवड करण्यात आली.या सभेला वीस पैकी १५ सदस्य उपस्थित होते. निर्वाचन अधिकारी म्हणून उपविभागीय अधिकारी अतुल चोरमारे ,गटविकास अधिकारी डॉ. मिलिंद पोहरे, नायब तहसीलदार एस. आर. जिरंगे , सहाय्यक गटविकास अधिकारी जी. पी. बोथिकर यांच्या मार्गदर्शनाखाली निवडणूक प्रक्रिया शांततेत पार पडली. या प्रक्रियेसाठी प्रशांत बोरसे, सी. आर. गोळेगावकर ,मुकुंद कारेगावकर यांनी परिश्रम घेतले.

हेही वाचा - उज्वला योजनेचा फायदा तरी काय? आधीची चूलच बरी होती

त्यांच्या निवडीनंतर त्यांचा  माजी आमदार भाऊराव पाटील गोरेगावकर यांनी सत्कार केला. यावेळी रणजित पाटील, भैय्या देशमुख, बाजीराव जुमडे, दतराव कडतीकर, भास्कर बेंगाळ, पंढरीनाथ ढाले, गणेश गडदे, नामदेव राठोड, बबन नेतने, रुपाजी कर्हाळे,  रंगनाथ पाटील, संगीता गंगावणे, संध्या भगत, कावेरी कऱ्हाळे, मुक्ता गोरे, ग़ंगाबाई गावंडे आदींची उपस्थिती होती. 

संपादन- प्रल्हाद कांबळे