आडुळ : पैठण सह परिसरात रविवारी (ता. ११) रोजी दुपारी ३ वाजेच्या सुमारास विजेच्या गडगडाटासह वादळी वारा व जोरदार आवकाळी पाऊस झाल्याने शेतकऱ्यांचे मोठे नुकसान झाले..मुरादाबाद (ता. पैठण ) येथील शेतकरी अभिषेक प्रेमसिंग गुसिंगे व काद्राबाद (ता. छत्रपती संभाजीनगर ) येथील शेतकरी खलील शाबू शेख यांच्या गायीवर विज पडल्याने त्यांची प्रत्येकी एक अशा दोन गायी दगावल्या तर पारुंडी (ता . पैठण ) येथील पारसनाथ गोशाळेचे दिड शे बाय छत्तीस फूट लांबीचे पत्र्याचे शेड जोरदार वाऱ्यामुळे उडून गेले. या गोशाळेत दिड शे च्यावर गायी आहेत. शेड उडून गेल्याने या गायींवर उघाड्यावर राहण्याची वेळ आली आहे. .तर होतोबाची वाडी येथे जोरदार वाऱ्यामुळे अनेक मोठाली झाडे उन्मळून पडली आहे. येथे काही प्रमाणात गारा ही पडल्याने मोसंबी व डाळींब बागा चे नुकसान झाले. यावेळी आडुळ, देवगाव, रजापुर, घारेगाव, हिरापुर, गेवराई बु., थापटी तांडा, ब्राम्हणगाव, आडुळ तांडा, जामवाडी तांडा, शिवगड तांडा, आडुळ खुर्द येथील बागायतदार शेतकऱ्यांचे वादळी वाऱ्यामुळे नुकसान झाले..या गोशाळेला कोणत्याही प्रकारचे शासकिय अनुदान नसुन गोठ्याचे पत्रे उडाल्याने हि मुकी जनावरे उघाड्यावर आली आहे. त्यामुळे शासनाने याचा तत्काळ पंचनामा करून नुकसान भरपाई द्यावी व दानशुर ही वस्तु स्वरूपात मदत करावीपरमेश्वर नलावडे ( पारसनाथ गोशाळा चालक )माझी गाय शेतात बांधलेली होती तीच्या अंगावर विज पडल्याने तीचा मृत्यू झाला. यात माझे ६० ते ७० हजाराचे नुकसान झालेअभिषेक प्रेमसिंग गुसिंगे ( शेतकरी, मुरादाबाद ).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
