Video: उरुस यात्रेत धारदार शस्त्राचा साठा जप्त ;  औरंगाबाद्च्या चौघांना अटक

परभणी : येथील उरुस यात्रेत चोरट्या व अवैध पध्दतीने धारदार शस्त्रे विक्री करणाऱ्या औरंगाबाद येथील चार जणांना अतिरिक्त पोलिस अधीक्षकांच्या विशेष पथकाने सोमवारी (ता.१७) छापा मारून अटक केली. त्यांच्याकडून शस्त्रे, मोबाईल व रोख रक्कम असा ३६ हजार ३३० रुपयां मुद्देमाल हस्तगत केला आहे. उरुस यात्रेत झालेली ही सर्वात मोठी कारवाई समजल्या जात आहे.

उरुस यात्रेत मोठ्या प्रमाणात गर्दी असते. देशभारतील व्यापारी या ठिकाणी त्यांची दुकाने लावत असतात. त्यामुळे होणाऱ्या गर्दीचा फायदा घेवून अनेक समाज विघातक लोक ही या यात्रेत येऊन अवैध पध्दतीने त्यांचे व्यवसाय करतात. यावर पोलिसांची करडी नजर असते. सोमवारी (ता.१६) अतिरिक्त पोलिस अधीक्षक रागसुधा आर. यांना उरुस यात्रेत काही लोक शस्त्रांची विक्री करत असल्याची माहिती मिळाली होती. या माहितीवरून त्यांना शोधून अटक करण्याची जबबादारी विशेष पथकाकडे देण्यात आली. विशेष पथकाचे सहायक पोलिस निरीक्षक हनुमंत पांचाळ यांच्या पथकातील कर्मचाऱ्यांनी ही कारवाई केली. दर्गा परिसरातील मुख्य कमानीच्या बाजूला लावण्यात आलेल्या जनरल स्टोअर्स या दुकानात धारदार शस्त्रे
विक्री होत असल्याची माहिती या पथकाला मिळाली.

हेही वाचा - साहित्य खरेदीचा आता नळधारकांना अधिकार

 चौघांना घेतले ताब्यात
 या पथकाने सोमवारी (ता.१७) रात्री साडेऊन वाजता या दुकानावर जावून छापा मारला. या ठिकाणी शेख अजिम शेख अकबर (वय ३०, रा. बिल्किस मशिदीजवळ, मकसुद कॉलनी, रोशनगेट औरंगाबाद), शेख रहिम शेख अकबर (वय २८, रा. बिल्किस मशिद जवळ मकसुद कॉलनी औरंगाबाद), सय्यद फेरोज सय्यद रज्जाक (वय २२, रा. मिसळवाडी, औरंगाबाद), सलमान पठाण फय्याज पठाण (वय २३ रा. मिसळवाडी, इब्राहीम कॉलनी, औरंगाबाद) या चौघांना ताब्यात घेतले. सदर दुकानाची तपासणी केली असता या दुकांनात लपवून ठेवलेला शस्त्राचा साठा पोलिसांना सापडला. उरुस यात्रेतील यंदाची ही सर्वात मोठी कारवाई असल्याचे पोलिसांनी सांगितले. दरम्यान या घटने प्रकरणी कोतवाली पोलिस ठाण्यात पोलिस हवालदार जगदीश रेड्डी यांच्या फिर्यादीवरू गुन्हा दाखल करण्यात आला आहे. अधिक तपास कोतवाली पोलिस ठाण्याचे पोलिस करित आहेत.

हेही वाचा - चार पशुवैद्यकीय दवाखान्यांच्या बांधकामास मंजुरी

अशी आहेत शस्त्रे
पाच गुप्त्या, एक मोठा लोखंडी खंजीर, पाच लहान लोखंडी खंजीर, फायर सारखे साचे असलेले आठ लहान खंजिर, एक मोठा लोखंडी चाकू, दोन लहान लोखंडी चाकू, आठ धारदार चाकू असे एकूण ३० तिक्ष्ण हत्यार

यांनी बजावली कामगिरी
उरुस यात्रेत करण्यात आलेल्या या कारवाईत विशेष पथकाचे सहायक पोलिस निरीक्षक हनुमंत पांचाळ यांच्यासह सहायक पोलिस उपनिरीक्षक हनुमंत कच्छवे, पोलिस हवालदार सखाराम टेकूळे, पोलिस हवालदार जगदीश रेड्डी, पोलिस कॉन्स्टेंबल श्रीकांत घनसावंत, पोलिस कॉन्स्टेबल अतुल कांदे, महिला पोलिस शिपाई पुजा भोरगे, चालक गजेंद्र चव्हाण यांनी मिळून केली.
...