Beed News: निधी नाल्यात; मुख्य रस्त्यावरील नाली कोसळली;बसस्थानकासमोर नाली कोसळल्याने नागरिकांना मोठा त्रास

वडवणी: पाडळसिंगी ते लोखंडी सावरगाव या राष्ट्रीय महामार्गावरील वडवणी शहरातील सिमेंट रस्ता आणि नाली बांधकामाचा बोगसपणा आता चव्हाट्यावर आला आहे. अवघ्या काही महिन्यांपूर्वीच पूर्ण झालेले बसस्थानक समोरील नाली बांधकाम अचानक कोसळल्याने संबंधित गुत्तेदाराच्या निकृष्ट दर्जाच्या कामाचा नमुना उघड झाला आहे. अशा कारभारामुळे शासनाचा कोट्यवधींचा निधी वाया जात असल्याचा संताप वडवणीकर व्यक्त करत आहेत.