वसमत : तीर्थक्षेत्र विकासासाठी ९ कोटी ८ लाखांचा निधी | Sakal
sakal

बोलून बातमी शोधा

raju navghare

वसमत : तीर्थक्षेत्र विकासासाठी ९ कोटी ८ लाखांचा निधी

वसमत : विधानसभा मतदार संघात ९ कोटी ८० लाख रुपयांचा निधी तीर्थक्षेत्र विकासासाठी मंजूर झाला असल्याची माहिती आमदार राजू नवघरे यांनी दिली आहे.या विकास निधीमध्ये खोडकेश्वर महादेव मंदिर (सोमठाणा) येथे मंदिर परिसरात पेव्हर ब्लॉक व विद्युतीकरण करणे, महादेव मंदिर (माळवटा) येथे मंदिर परिसरात पेव्हर ब्लॉक व सुशोभीकरण करणे, उत्तरेश्वर महादेव मंदिर (थोरावा) येथे मंदिर परिसरात मंगल कार्यालय सभागृह, यात्री निवास, संरक्षण भिंत, गार्डन व सुशोभीकरण करणे, बालाजी मंदिर (शिवपुरी)

येथे राज्य रस्त्यापासून मंदिरापर्यंत पेव्हर ब्लॉक बसवून मंदिर परिसरात पथदिवे बसविले जाणार आहेत. तसेच बेलमंडल महादेव मंदिर (उंडेगाव, ता.औंढा नागनाथ) येथे मंदिर परिसरात पेव्हर ब्लॉक व सभामंडप (टिनशेड) बांधकाम करणे, निळकंठेश्वर महादेव मंदिर (सेंदुरसेना, ता.औंढा ना.) येथे मंदिर परिसरात उभखांबी सभागृह, पेव्हर ब्लॉक, विद्युतीकरण, संरक्षण भिंत बांधकाम करणे आदींचा समावेश आहे. यात पर्यटन विकास निधी अंतर्गत ५ कोटी ८० लाख रुपये निधी मंजूर करण्यात आला असून, वसमत शहर नगर विकासासाठी ४ कोटी रुपयांचा निधी मंजूर झाला आहे. याबद्दल माजी मुख्यमंत्री उद्धव ठाकरे, माजी उपमुख्यमंत्री अजित पवार व अदितीताई तटकरे यांचे आमदार नवघरे यांनी आभार मानलेआहेत.

Web Title: Vasmat Pilgrimage Development Fund 9 Crore 8 Lakhs

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..