बीड : ‘हॉर्न का वाजवला?’, या कारणावरून बसचालकाला टेम्पाेचालकाने बेदम मारहाण केली. तसेच बसच्या काचा फोडून नुकसान केल्याची घटना शनिवारी (ता. १०) दुपारी शहरातील बार्शी नाका चौकात घडली. रात्री उशिरापर्यंत या प्रकरणात गुन्हा दाखल झाला नव्हता..माजलगाव-बीड ही बस (क्रमांक एमएच २३ एयू ६२३५) शहरात दुपारी येत होती. बार्शी नाका परिसरात नेहमीच वाहतूक कोंडीचा प्रश्न असतो. शनिवारी दुपारीही अशीच कोंडी झाली. यावेळी बसचालकाने हॉर्न वाजविला..यात समोर असलेल्या टेम्पोचा (क्रमांक एमएच ४४ यु ३२९३) चालक तौफिक याला राग आला. त्याने खाली उतरत बसची चालकाच्या बाजूची काच फोडली. त्यानंतर चालक प्रताप कैलास पवार यास शिवीगाळ करत बसचालकाला बेदम मारहाण केली. त्यानंतर प्रवाशांनी सोडवासोडव केली. पोलिसांनाही संपर्क केला..परंतु, तेवढ्यात चालक टेम्पो घेऊन पसार झाला. या घटनेनंतर धुळे-सोलापूर महामार्गावरून शहरात येणाऱ्या वाहनांना बराचवेळ कोंडीचा सामना करावा लागला. घटनेची माहिती मिळताच पेठबीड पाेलिस ठाण्याचे पोलिस निरीक्षक अशोक मुदिराज यांनी कर्मचाऱ्यांसह धाव घेत ही कोंडी सोडवली..Success Story : कंपाउंडरची मुले एकाच वेळी वीज सहायक; वडिलांच्या कष्टाची जाणीव ठेवत किल्लेधारूरच्या सरकटे भावंडांनी मिळविले यश.त्यानंतर चालकाला उपचारासाठी जिल्हा रुग्णालयात पाठविले. दरम्यान, रात्री उशिरा या प्रकरणी गुन्हा नोंद करण्याची प्रक्रीया सुरु होती. मारहाण करणारा टेम्पोचालक हा वाहन घेऊन फरार झालेला असून तपास सुरु असल्याचे पोलिस निरीक्षक अशोक मुदीराज यांनी सांगीतले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
