नांदेड : बेफाम वाहने, बेशिस्त दुचाकीस्वार, आॅटोरिक्षांसह इतरही वाहनधारकांनी नियमच धाब्यावर ठेवल्याने शहरातील रुग्णवाहिका कोंडीत सापडल्या आहेत. रस्त्यावरून धावताना मोकळी वाट नसल्याने चालकांची मोठी अडचण होत आहे. कळस म्हणजे रुग्णांचा जीवही टांगणीला लागत असून नातेवाइकांच्या काळजाची धडधड वाढत आहे.
हे वाचा - व्यवसायातून जोपासली भूतदया
रुग्णवाहिकांची वाट होतेय बिकट
शहरामध्ये राजकाॅर्नर ते वजिराबाद सिग्नल, बाफना, देगलूर नाका हे मुख्य रस्ते असून, 24 तास या ठिकाणी वर्दळ असते. या रस्त्यांच्या दोन्ही बाजूंना बेशिस्तपणे वाहनांची पार्किंग होत असल्याने, तसेच फेरीवाल्यांच्या अतिक्रमणाने दररोज वाहतूक कोंडी होत आहे. या रस्त्यावरूनच शासकीय रुग्णालयासह, डाॅक्टरलेन, शिवाजीनगर आदी परिसरांती मोठ्या रुग्णालयांत रुग्णांना नेण्यासाठी रुग्णवाहिकाही धावतात. मात्र, बेशिस्त वाहतुकीमुळे या रुग्णवाहिकांची वाट दिवसेंदिवस बिकट होत चालली आहे. चालकांच्या असंवेनशील वृत्तीमुळे रुग्णांच्या जिवाशी एकप्रकारे खेळच होतो आहे.
हेही वाचाच - नांदेडची गुन्हेगारी एका क्लिकवर वाचा...
वाहनधारकांची बेफिकिरी रुग्णांच्या जिवावर
रविवारी (ता.दोन) शहरातील मुख्य रस्ते असलेल्या राज काॅर्नर ते वजिराबाद सिग्नल या रस्त्यावरून धावणाऱ्या एका रुग्णवाहिकेचे निरीक्षण केले असता, गंभीर चित्र समोर आले. या रस्त्यावरून दिवसाकाठी वीसहून अधिक रुग्णवाहिका धावतात. शिवाय बाफना, देगलूर नाका येथून असंख्य रुग्णवाहिका रुग्णांना घेऊन शहरात येतात. रुग्णांना तत्काळ रुग्णालयात पोचवून त्यांचे प्राण वाचविणे हा प्रमुख उद्देश रुग्णवाहिका चालकांचा असतो. त्यांचा एक-एक मिनिट महत्त्वाचा. मात्र, शहरातील बेशिस्त वाहतुकीमुळे रुग्णवाहिकांना मोठ्या कष्टाने वाट काढावी लागते. वाहनांच्या गर्दीत रुग्णवाहिका अडकून पडल्याचे, तसेच सायरन वाजवूनही वाहनधारकांनी वाट मोकळी करून दिली नसल्याची बेफिकिरी दिसून आली.
हेही वाचायलाच पाहिजे - Video: बुद्धांच्या जन्मभूमीत बुद्धांचे पुनरागमन : भदंत वोनेयुंग (दक्षिण कोरीया)
काय दिसले
काय करावे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
