बीड : सरपंच संतोष देशमुख यांचे अपहरण करून हत्या, अवादा कंपनीच्या खंडणी प्रकरणाचा मुख्य सूत्रधार वाल्मीक कराड याला मकोकातून (महाराष्ट्र नियंत्रण गुन्हेगारी संघटन कायदा) दोषमुक्त करावे, या मागणीवर मंगळवारी (ता. तीन) सरकारी पक्षातर्फे विशेष सरकारी वकील उज्ज्वल निकम, विशेष सहायक सरकारी वकील बाळासाहेब कोल्हे यांनी म्हणणे सादर केले. आरोपी पक्षाकडून झालेल्या डिजिटल पुराव्यांच्या मागणीवर बंद लखोट्यात पुरावे न्यायालयाला देणार असल्याचेही सरकार पक्षाकडून सांगण्यात आले. आजच्या सुनावणीत कुठलेही युक्तिवाद झाले नाहीत. केवळ एकमेकांच्या अर्जांवर दोन्ही पक्षांनी म्हणणे मांडले.