आशा व गटप्रवर्तक संघटनेच्यावतीने वसमतला मोर्चा

मोर्चाचे नेतृत्व संघटनेचे राज्य उपाध्यक्ष कॉ. मुगाची बुरुड व राज्य अध्यक्ष कॉ. राजू देसले यांनी केले.
वसमत जिल्हा हिंगोली येथे आशांचा मोर्चा
वसमत जिल्हा हिंगोली येथे आशांचा मोर्चा

वसमत ( जिल्हा हिंगोली ) : वसमत कृती समिती नियंत्रक व आयटक संलग्न महाराष्ट्र राज्य आरोग्य खाते आशा व गटप्रवर्तक संघटनेच्या वतीने वसमत येथील उपविभागीय अधिकारी कार्यालयावर मंगळवारी (ता. २२) रोजी आपल्या विविध मागण्यासाठी मोर्चा काढला. यावेळी उपविभागीय अधिकारी यांना निवेदन दिले.

मोर्चाचे नेतृत्व संघटनेचे राज्य उपाध्यक्ष कॉ. मुगाची बुरुड व राज्य अध्यक्ष कॉ. राजू देसले यांनी केले. निवेदनात केलेल्या मागणीनुसार आशांना १८ हजार रुपये मानधन व गटप्रवर्तकांना २१ हजार रुपये मानधन तसेच बीसीएम यांना ३० हजार रुपये मानधन देऊन शासकीय सेवेचा लाभ देण्यात यावा. कोरोना काळातील कामाचा प्रोत्साहनपर भत्ता म्हणून राज्य सरकारने पाचशे रुपये आशा व गटप्रवर्तक यांना द्यावे.

हेही वाचा - नक्की पाहिली पाहिजेत अशी महाराष्ट्रातील १० ठिकाणे

आरोग्य विभागाने कंत्राटी कामाचे सुसूत्रीकरण व वेतन वाढ केलेल्या कंत्राटी कर्मचाऱ्यांइतके गटप्रवर्तक यांना मानधन द्यावे, शासन नोकर भरतीमध्ये ग्रामपंचायत, अंगणवाडी, जिल्हा परिषद, नगर परिषद, मनपा आदी ठिकाणी नोकर भरतीत आशा व पाल्यांना जागा राखीव ठेवाव्यात, जननी सुरक्षा योजनेचा लाभ सरसगट देण्यात यावा आदी मागण्यांचा समावेश निवेदनामध्ये करण्यात आला आहे.

निवेदनावर महाराष्ट्र राज्य आशा व गटप्रवर्तक कृती समिती उपाध्यक्ष काॅ. मुगाजी बुरुड, जिल्हा संघटक पांडुरंग कतुरे, जिल्हा उपाध्यक्ष वैशाली गरड, तालुका अध्यक्ष कदम, शहराध्यक्ष सविता काळे, कल्पना कीर्तने, सीमा बेंडके. सुनिता कांबळे आदींसह तालुक्यातील आशा व गटप्रवर्तकांच्या स्वाक्षऱ्या आहेत.

संपादन- प्रल्हाद कांबळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com