धाराशिव : वाघाने हल्ला करीत गोठ्यात बांधलेल्या वासराचा फडशा पाडला. ही घटना बुधवारी (ता. १२) पहाटे रामलिंग घाटाखालील पांगरी शिवारात घडली..धाराशिव सीमेजवळील पांगरी (ता. बार्शी) येथील अशोक गोडसे हे मंगळवारी (ता. ११) सायंकाळी शेतातील गोठ्यात गायींसह पाच जनावरांना बांधून घरी गेले होते. बुधवारी सकाळी शेतात आले असता, पाच जनावरे दावे तोडून गेल्याचे निदर्शनास आले, तर वासरू निपचित पडल्याचे दिसले. .वासराच्या गळ्यावरील जखमा पाहून एखाद्या वन्यप्राण्याने हल्ला केला असेल, असे त्यांना वाटले; मात्र वन विभागाच्या पथकाने घटनास्थळाची पाहणी केल्यानंतर वाघाच्या हल्ल्यात वासरू दगावल्याचे स्पष्ट झाले. दरम्यान, मृत वासराला तिथेच ठेवून वाघाला पकडण्यासाठी वन विभागाकडून सापळा लावण्यात आला. बुधवारी दुपारपासून वन विभागाचे अधिकारी, कर्मचारी; तसेच रेस्क्यू टीम परिसरात ठाण मांडून आहे..Digital Arrest : निवृत्त संचालकांना डिजिटल ॲरेस्ट! ड्रग पार्सल आल्याची धमकी; उकळले ३० लाख.वाघ पांगरी परिसरात असून, त्याने बुधवारी पहाटे एका वासरावर हल्ला केला. पथक वाघाच्या हालचालींवर नजर ठेवून आहे. योग्य टप्प्यात येताच त्याला पकडण्याची कार्यवाही करण्यात येईल. त्यासाठी वन विभाग, रेस्क्यू पथकाने सापळा लावला आहे.- बी.ए. पौळ, विभागीय वन अधिकारी, धाराशिव.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
