उमरगा - कोरेगाववाडी रस्त्यानजीक ३८ वर्षीय युवकाचा दगडाने ठेचून खून केल्याची घटना घडली. या प्रकरणी अवघ्या बारा तासांत उमरगा पोलिसांनी खून करणाऱ्या दोन आरोपीचा शोध लावला. अनैतिक संबंधातून हा खून झाल्याचे पोलिसांनी सांगितले. .याबाबत माहिती अशी कि, रविवारी (ता. ४) सकाळी कोरेगाव वाडी रस्त्यावर एका अनोळखी व्यक्तीचा मृतदेह आढळला. माहिती मिळताच पोलिस उपविभागीय अधिकारी सदाशिव शेलार, पोलिस निरीक्षक प्रल्हाद सूर्यवंशी, सहाय्यक पोलिस निरीक्षक पांडुरंग कन्हेरे, पोलिस उपनिरीक्षक गजानन पुजारवाड यांच्यासह पोलिस कर्मचारी हजर झाले..पोलिसांनी जलद गतीने तपास केल्याने मृताची ओळख पटविण्यात यश आले. दरम्यान मारेकऱ्यांचा शोध घेण्यासाठी श्वान पथक, फॉरेन्सिक टीमला पाचारण कऱण्यात आले. पोलिसांनी तांत्रिक घटनाचे विश्लेषण करीत सीसीटीव्ही फुटेज, मोबाईल रेकॉर्ड आदींचा अभ्यास करून शिवाजी दत्तू दूधनाळे (वय ३२, रा. त्रिकोळी, ता. उमरगा) व मृताची पत्नी गौरी शाहूराज सूर्यवंशी (वय ३४) यांना पोलिसांनी ताब्यात घेतले असून, त्यांनी गुन्हा कबूल केल्याचे पोलिसांनी सांगितले..याबाबत अधिक माहिती देताना पोलिसांनी सांगितले की, मृताची पत्नी गौरी व आरोपी शिवाजी यांचे अनैतिक संबंध होते. त्यामुळे शाहूराज व गौरीमध्ये सतत भांडण होत असल्यामुळे शाहूराजचा कायमचा काटा काढला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
