World Disability Day Rally : दिव्यांग शाळेतील विद्यार्थ्यांची रॅली; बीड शहरासह जिल्ह्यात जागतिक दिव्यांग दिनानिमित्त प्रभातफेरी

अंबाजोगाई : जागतिक दिव्यांग दिनानिमित्त मंगळवारी शहरातील सर्व मूकबधिर, दिव्यांग शाळेतील विद्यार्थ्यांची एकत्रित फेरी काढली होती. .संकेत मोदी व संभाजी लांडे यांच्या हस्ते हिरवी पताका दाखवून फेरीला प्रारंभ झाला. फेरीमध्ये दिव्यांग विद्यार्थ्यांना प्रोत्साहन देण्यासाठी काही सामान्य विद्यार्थीही सहभागी झाले होते. दिव्यांग शाळेतील मुख्याध्यापक, शिक्षक सहभागी झाले होते. फेरीत जोधाप्रसादजी मोदी माध्यमिक विद्यालयाचे प्राचार्य विनायक मुंजे, बोधवर्धिनी मतिमंद विद्यालयाचे मुख्याध्यापक तात्यासाहेब चव्हाण, ज्ञानवर्धिनी मूकबधिर विद्यालयाचे रामराव घुगे, अहिल्यादेवी मूकबधिर मुलींचे विद्यालयाचे मुख्याध्यापक राजाभाऊ मस्के, बाबासाहेब परांजपे अपंग विद्यालयाच्या मुख्याध्यापिका ललिता चव्हाण..कर्तव्य मतिमंद मुलींचे विद्यालयाचे मुख्याध्यापिका अनिता चौधरी, मानव विकास मूकबधिर विद्यालयाचे मुख्याध्यापक आनंद टाकळकर, मानव विकास मतिमंद विद्यालय अप्पासाहेब चव्हाण, मानव विकास अस्थिव्यंग विद्यालयाचे मुख्याध्यापक इंद्रकुमार लोढा यांच्यासह विशेष शाळेतील शिक्षक सहभागी झाले होते. जोधाप्रसादजी मोदी विद्यालयाच्या विद्यार्थी बँड पथकाने याचे नेतृत्व केले. प्रास्ताविक आनंद टाकळकर, सूत्रसंचालन गोविंद जगधने यांनी तर आभार रामराव घुगे यांनी मानले..फेरीनंतर विद्यार्थ्यांना फळांचे वाटप करण्यात आले. दिव्यांग बांधवांचे मूलभूत प्रश्न सोडवण्यासाठी सदैव कटिबद्ध असल्याची ग्वाही संकेत मोदी यांनी दिली. दिव्यांगाकडे दुर्लक्ष न करता त्यांना समाजाच्या मुख्य प्रवाहात आणण्यासाठी आपण त्यांना साथ दिली पाहिजे, अशी अपेक्षा संभाजी लांडे यांनी व्यक्त केली.समाज कल्याण विभाग : बीडजिल्हा परिषदेच्या समाज कल्याण विभागामार्फत जागतिक दिव्यांग दिनानिमित्त डॉ. बाबासाहेब आंबेडकर सामाजिक न्याय भवन ते छत्रपती शिवाजी महाराज यांच्या पुतळ्यापर्यंत रॅली काढण्यात आली. रॅलीस जिल्हा परिषदेचे अतिरिक्त मुख्य कार्यकारी अधिकारी वासुदेव सोळंके यांनी हिरवा झेंडा दाखवला. दिव्यांग दिनानिमित्त सामाजिक न्याय भवन येथे मुख्य कार्यक्रम पार पडला. यावेळी मुख्य कार्यकारी अधिकारी आदित्य जीवने म्हणाले, दिव्यांगासाठी विविध शासकीय योजना आहेत. त्या पात्र लाभार्थ्यांपर्यंत पोहोचविण्यावर आपण भर देणार आहे..यावेळी डॉ. अनिल बारकुल, जिल्हा समाज कल्याण अधिकारी एस.एन. मेश्राम, सुनील भोंडवे, अंकुश नखाते, दिव्यांग कर्मचारी संघटनेचे राजेंद्र लाड, रहीम शेख, ज्योतिराम घुले, आदिनाथ हाडोळे, तत्वशील कांबळे, अशोक तांगडे, शहरातील सर्व दिव्यांग शाळांचे मुख्याध्यापक, विद्यार्थी, कर्मचारी आदींची बहुसंख्येने उपस्थिती होती.डॉ. केलर यांना अभिवादन : परळीसंगम येथील शारदाबाई गुरुलिंगअप्पा मेनकुदळे माध्यमिक विद्यालयात जागतिक दिव्यांग दिनानिमित्त डॉ. हेलन केलर यांच्या प्रतिमेस बी.डी. केंद्रे यांच्या हस्ते पुष्पहार अर्पण करुन अभिवादन करण्यात आले. यावेळी मुख्याध्यापक उत्तम साखरे, रवींद्र गिराम, मदन कराड, राजाभाऊ राठोड, अभिराज देशमुख, मयूरी मुळे, मनिषा लांडे, रवी मगर, मिलिंद नरबागे व विद्यार्थी उपस्थित होते..दिव्यांग दिन साजरा : टाकरवणग्रामपंचायतीकडून दिव्यांग बांधवांचा पुष्पगुच्छ देऊन सत्कार करण्यात आला. यावेळी विविध कल्याणकारी शासकीय योजनांची माहिती देण्यात आली. दिव्यांग दिनाबाबत सामान्य जनतेत जनजागृती निर्माण व्हावी व दिव्यांग बांधवांच्या समस्या मार्गी लावाव्यात, असे प्रतिपादन प्रहार जनशक्ती पक्षाचे लक्ष्मण गरड यांनी केले. यावेळी विलास लव्हाळे, लक्ष्मण लव्हाळे, उपसरपंच दयानंद गोबरे, कपिल अडागळे, पंढरीनाथ भुंबे, गणेश सातपुते, वैजनाथ अडागळे, गणेश काजळे, सुरेश तौर, वशिष्ठ आटवे, किसन गणगे, खंडू अडागळे आदींसह दिव्यांग बांधव उपस्थित होते..भारज पाटी येथील रॅली : जवळगावअंबाजोगाई तालुक्यातील भारज पाटी येथील लालबहादूर शास्त्री संकुलात मंगळवारी (ता. ३) जागतिक दिव्यांग दिनानिमित्त रॅली काढण्यात आली होती. कार्यक्रमाला मुख्याध्यापक बालाजी देशमुख उपस्थित होते. यावेळी डॉ. हेलन केलर यांच्या प्रतिमेचे पूजन मुख्याध्यापक निलप्रभा ढाणे यांच्या हस्ते करण्यात आले. त्यानंतर विद्यार्थ्यांनी रॅली काढली. विद्यार्थ्यांना खाऊ वाटप करण्यात आला. त्यानंतर पंडित देशमुख यांनी विद्यार्थ्यांना मार्गदर्शन केले. कार्यक्रमाला ज्ञानसागर निवासी कर्णबधिर विद्यालय, श्रीराम माध्यमिक व उच्च माध्यमिक कर्णबधिर निवासी विद्यालय, श्रीराम माध्यमिक विद्यालयातील विद्यार्थी उपस्थित होते. सूत्रसंचालन तानाजी गायकवाड यांनी केले..Beed : शहरातील अतिक्रमण पुन्हा ‘जैसे थे’ वाहतूक शाखा, पालिकेच्या कारवाईनंतरही पथविक्रेते रस्त्यावर.डॉ. लड्डा यांना दिव्यांग भूषण पुरस्कारबीड : महाराष्ट्र राज्य दिव्यांग कर्मचारी संघटना, धाराशिव यांच्या वतीने दरवर्षी दिव्यांग क्षेत्रात उल्लेखनीय कार्य करणाऱ्या व्यक्तींना विविध पुरस्काराने सन्मानित करण्यात येते. यामध्ये शहरातील होमिओपॅथिक तज्ज्ञ डॉ. सतीश लड्डा यांना यंदाचा दिव्यांग भूषण पुरस्कार देवून गौरविण्यात आले. हा पुरस्कार मंगळवारी धाराशिव येथे जिल्हाधिकारी डॉ. मैनाक घोष यांच्या हस्ते त्यांना प्रदान करण्यात आळा. यावेळी खा. ओमराजे निंबाळकर, अतिरिक्त मुख्य कार्यकारी अधिकारी विलास जाधव, संघटनेचे जिल्हाध्यक्ष महादेव शिंदे, विभागीय उपाध्यक्ष सुधीर काळे, राज्य संचालिका अंजना पापडे यांच्यासह आदींची उपस्थिती होती. डॉ. लड्डा यांचे सर्व क्षेत्रातून अभिनंदन होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories