Parbhani
esakal
येहळेगाव (सोळंके): औंढा नागनाथ तालुक्यातील येहळेगाव (सोळंके) ते निशाणा हा परिसरातील महत्त्वाचा संपर्क मार्ग सध्या अत्यंत दयनीय अवस्थेत असून रस्त्यावर जागोजागी मोठमोठे खड्डे पडल्याने वाहनचालक, शेतकरी व नागरिकांना मोठ्या अडचणींचा सामना करावा लागत आहे. पावसामुळे रस्त्यावर पाणी व चिखल साचत असल्याने खड्ड्यांचा अंदाज येत नसून अपघाताचा धोका दिवसेंदिवस वाढत आहे. अनेक ठिकाणी डांबरीकरण पूर्णपणे उखडल्याने वाहतूक धोकादायक बनली आहे.
