जिंतूर : तालुक्यातील येलदरी धरणाचे दहाही दरवाजे उघडले असून वीजनिर्मितीसह २३८०० क्युसेक्स (६७४ क्युमेक्स) रविवारी रात्रीपासून पूर्णा नदीपात्रात सोडण्यात येत आहे. .धरणाच्या पाणलोट क्षेत्रात गेले काही दिवसापासून सतत पाऊस सुरू आहे त्यात उर्ध्व भागातील खडकपूर्णा धरणातून मोठ्या प्रमाणात विसर्ग चालू असल्याने असल्याने रविवारी सायंकाळी चारच्या सुमारास येलदरी धरणाचे दोन गेट अर्धा (०.५) मीटर उघडले शिवाय जलविद्युत निर्मिती केंद्रातील आणखी एक संच सूरू करून नदीपात्रात विसर्ग सोडला.. परंतु पाणलोट क्षेत्रात पावसाचा जोर वाढत आहे. आणि खडकपूर्णा प्रकल्पामधून होत असलेला विसर्गही वाढत आहे. त्यामुळे धरणाच्या जलाशयातील धोक्याची पातळी गाठली असताना रविवारी सायंकाळी धरणाचे दोन दरवाजे उघडण्यात आले. .त्यानंतर कांही तासातच आणखी दोन दरवाजे उघडले.याप्रमाणे चार दरवाज्यातून विसर्ग सोडण्यात आला.हे चारही दरवाजे अर्धा मीटर उघडले होते. तरीही आवक वाढतच असल्याने जलाशयातील पाण्याची पातळी धोक्याबाहेर जाऊ नये याची पूर नियंत्रण कक्षातर्फे सोमवारी सकाळी साडेनऊच्या सुमारास उर्वरित चारही दरवाजे एक मीटरने उघडले..या दहाही दरवाज्यातून २११०० क्युसेक्स आणि जलविद्युत निर्मिती केंद्राद्वारे २७०० क्युसेक्स याप्रमाणे एकूण २३८०० क्युसेक्स (६७४ क्युमेक्स विसर्ग नदीपात्रात सोडण्यात येत आहे. दरम्यान, धरणात होणारी आवक पाहता विसर्ग कमी किंवा जास्त करण्यात येईल असे पूर नियंत्रण कक्षातर्फे कळवले आहे. यास्तव नदीकाठच्या गावातील लोकांनी सतर्क राहावे असे आवाहन केले..Online Medicine Sales: ऑनलाइन औषधविक्रीवर बंदी घाला; पुणे केमिस्ट असोसिएशनची मागणी, गैरवापर वाढला.दरम्यान, धरणाच्या सर्व दरवाज्यामधून प्रचंड वेगाने वाहणाऱ्या पाण्यामुळे नदीपात्र दुथडी भरून वाहत आहे. हे दृश्य पाहण्यासाठी परिसरात बघ्यांची गर्दी वाढत आहे. धरण पूर्ण क्षमतेने भरल्यामुळे धरणातील पाण्यावर अवलंबून असलेल्या गावांना भविष्यात पाणीटंचाईला सामोरे जावे लागणार नसल्याची शक्यता नाही. तसेच शेती सिंचन व्यवस्थेचा प्रश्न दूर होण्याची आशा आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
