Jintur News : येलदरी जलविद्युत केंद्रातून पंधरा दिवसांत चार कोटी वीस लाख रुपयांची विजनिर्मिती

जिंतूर - तालुक्यातील येलदरी येथील जलविद्युत केंद्रातून वीजनिर्मितीद्वारे पंधरा दिवसात एक कोटी रुपयांची वीज निर्मिती करण्यात आली. यामुळे शासनाच्या तिजोरीमध्ये एक कोटी रुपयाची भर पडली.

येलदरी धरणालगत असलेल्या या जलविद्युत केंद्राद्वारे धरणातील पाण्यावर वीजनिर्मिती केली जाते.पंधरा दिवसापूर्वी म्हणजे तीन एप्रिल रोजी धरणातून लाभ क्षेत्रातील उन्हाळी हंगामातील पिकांसाठी जलविद्युत केंद्राद्वारे नदीपात्रात दुसरे आवर्तन सोडण्यात आले. ते बुधवारी (ता. १७) थांबवण्यात आले.

त्यामुळे वीजनिर्मिती बंद करण्यात आली. या पंधरा दिवसांच्या कालावधीत केंद्रातील संचाद्वारे ४२ लाख २९ हजार युनिट वीज निर्मिती करण्यात आली. ज्याचे आजचे बाजारमूल्य सुमारे चार कोटी वीस लाख रुपये आहे.

त्यासाठी कार्यकारी अभियंता उमेश पाटील यांच्या मार्गदर्शनाखाली अतिरिक्त कार्यकारी अभियंता जांबुतकर यांच्यासह अनिल वाघ, अण्णामवार, आळसे, गौरव कापकर, अमोल शिवकर, निलेश कानडे, हिंमत काळे, रमेश भंडारी, आदित्य पाठे, कैलास माकोडे, श्रीकांत बोराळकर, अमिन शहा आदींनी प्रयत्न केले. सध्या धरणात तीस टक्केच पाणीसाठा उपलब्ध असल्याने तो राखीव ठेवण्यात आला आहे.