नांदेड : मराठवाड्यात गेल्या काही दिवसांपासून मॉन्सूनपूर्व पावसाचा दणका सुरू असून मुंबईच्या प्रादेशिक हवामानशास्त्र केंद्राच्या सूचनेनुसार मराठवाड्यातील बहुतांश जिल्ह्यांना पुढील तीन दिवस पावसाचा येलो अलर्ट देण्यात आला आहे..नांदेड जिल्ह्यात २६, २७, २८ मे रोजी तीन दिवसांचा येलो अलर्ट देण्यात आला आहे. या काळात ताशी ४० ते ५० किलोमीटर वेगाने वादळी वारे, विजांच्या कडकडाट, ढगांच्या गडगडाटात हलका ते मध्यम स्वरूपाच्या पावसाचा अंदाज वर्तवण्यात आला आहे..हिंगोली जिल्ह्यात पावसाचा येलो अलर्ट देण्यात आला आहे. लातूर जिल्ह्याला वादळी वाऱ्यासह पावसाचा ऑरेंज अलर्ट दिला आहे. छत्रपती संभाजीनगर, जालना, बीड, परभणी, हिंगोली आणि धाराशिव जिल्ह्यांना वादळी वाऱ्यासह पावसाचा येलो अलर्ट देण्यात आला. त्यानुषंगाने नागरिकांनी आणि यंत्रणांनी दक्ष राहण्याचे आवाहन त्या-त्या ठिकाणच्या जिल्हा प्रशासनाकडून करण्यात आले आहे..बीडमध्ये रिपरिप सुरूचबीड : जिल्ह्यात गेल्या आठ दिवसांपासून पूर्वमोसमी पावसाचा कहर सुरू असून शनिवारी (ता. २४) रात्रभर सर्वदूर रिपरिप सुरूच होती. रविवारी (ता. २५) रात्रीही पावसाने हजेरी लावली. सुरवातीला जोरदार वाऱ्यासह झालेल्या पावसाने मोठे नुकसान झाले. या काळात वीज पडून चौघांचा मृत्यू झाला, तर पंधरा जनावरे दगावली आहेत. सुमारे दीडशे हॅक्टर क्षेत्रावरील फळपिके आणि बागायती पिकांचे नुकसान झाले आहे..Farmer ID : योजनांचा लाभ हवा? ‘फार्मर आयडी’ काढा; शेतकऱ्यांना कृषी विभागाचे आवाहन, शेतीविषयक लाभासाठी अनिवार्य.रोहिण्या बरसल्याछत्रपती संभाजीनगर शहरात काल रात्री व आज सकाळी जोरदार पाऊस झाला. पैठण शहरासह तालुक्यातील विहामांडवा, लोहगाव, पाचोड महसूल मंडळांत आज रोहिण्या बरसल्या. कन्नड तालुक्यातील नाचनवेल येथील शिवारात शेततळे साचले होते. गंगापूर तालुक्यातील जामगाव, कायगाव परिसरात दमदार पाऊस झाल्याने शेती मशागतीची कामे ठप्प झाली आहेत. खुलताबाद शहरासह परिसरातही रिमझिम पाऊस झाला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
