गेवराई : धोंडराई येथील उजव्या कालव्यात पोहण्यास गेलेल्या युवकाचा बुडून मृत्यू झाल्याची दुर्दैवी घटना शनिवारी दुपारी घडली. या युवकाचा मृतदेह २४ तासांनी तीन किमी अंतरावरील बेलगाव शिवारात आढळून आला. अमोल राजेंद्र यादव (वय २८) असे या युवकाचे नाव आहे..उन्हाळ्याचे दिवस असल्याने शनिवारी दुपारी दोनच्या दरम्यान अमोल यादव हा मित्रांबरोबर पोहण्यासाठी उजव्या कालव्यात गेला. अमोलने उजव्या कालव्यात उडी घेतली. मात्र, कालव्याचे पाणी वाहते असल्याने तो पाण्याबरोबर वाहत गेला..याबाबतची माहिती सोबत आलेल्या युवकांनी अमोलच्या कुटुंबीयाना दिली. त्यानंतर कुटुंबीयासह गावातील नागरिकांनी कालव्याकडे धाव घेतली. मात्र, अमोलचा शोध लागला नाही. रविवारी (ता. २३) दुपारी अमोलचा मृतदेह धोंडराईपासून तीन किलोमीटर अंतरावरील बेलगाव शिवारात आढळून आला. .Dnyanradha Multistate Scam : ज्ञानराधा मल्टिस्टेट घोटाळा, सक्षम अधिकारी नियुक्त.पोलिसांनी घटनास्थळावर दाखल होऊन मृतदेह गेवराईच्या उपजिल्हा रुग्णालयात शवविच्छेदनासाठी पाठविला. त्यानंतर अमोलच्या पार्थिवावर धोंडराईत अंत्यसंस्कार करण्यात आले. अमोलच्या पश्चात आई, वडील, पत्नी, दोन मुले असा परिवार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
