बदनापूर - सोमठाणा (ता. बदनापूर) येथील अप्पर दुधना मध्यम प्रकल्पात पोहण्यासाठी गेलेल्या एका तरुणाचा गुरुवारी (ता. २८) दुपारी पाण्यात बुडून मृत्यू झाला आहे..बदनापूर येथील काही तरुण सोमठाणा येथील अप्पर दुधना मध्यम प्रकल्पात पोहण्यासाठी गेले होते. तेव्हा पाण्यात पोहताना येथील प्रसिद्ध बाबा टी हाऊसचे मालक रेहान बाबाभाई शेख याचा पाण्यात बुडून दुर्दैवी मृत्यू झाला आहे. रेहान हा त्याचा एक मित्र पाण्यात बुडत असताना त्याला वाचविण्यासाठी गेला होता. मात्र खोल पाण्यात बुडाल्याने त्याचा मृत्यू झाला..ही बातमी मिळताच बदनापूर शहरासह सोमठाणा येथील नागरिकांनी तलावाच्या परिसरात जाऊन शोधमोहीम घेतली. त्यात रेहान हा खोल पाण्यात बुडलेल्या अवस्थेत सापडला. या संदर्भात बदनापूर पोलिस ठाण्यात कुठलीच नोंद नव्हती. दरम्यान, रेहान याच्या पार्थिवावर गुरुवारी (ता. २८) रात्री उशिरा बदनापूर येथील मुस्लिम कब्रस्तानात दफनविधी करण्यात आला. या घटनेमुळे बदनापूर शहरात हळहळ व्यक्त करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
