लातूर - येथे एका पत्रकाराने तू काश्मीरमधून आला आहेस का, तू पाकिस्तानचा आहेस का, असे म्हणून एका तरुणाला अवघड जागी मारहाण केली. तसेच, त्याचे फोटो, व्हिडिओ काढून व्हायरल करण्याची धमकी दिली..हा अपमान सहन न झाल्याने या तरुणाने राहत्या घरी रविवारी (ता. चार) जीवन संपविले. याप्रकरणी तरुणाच्या पत्नीने दिलेल्या फिर्यादीवरून एमआयडीसी पोलिस ठाण्यात अनोळखी पत्रकाराच्या विरोधात गुन्हा दाखल करण्यात आला. अमिर गफुर पठाण (वय-३०) मृताचे नाव आहे..पत्नी समिरन पठाण हिने दिलेल्या फिर्यादीनुसार, अमिर गफूर पठाण एका खासगी कंपनीत नोकरीला होता. तीन मे रोजी रात्री नऊच्या सुमारास येथील संविधान चौकात अमिर पठाण पत्नीची वाट पाहत उभा होता. त्याची पत्नी समिरन पठाण धाराशिव येथे एका बँकेत उपव्यवस्थापक म्हणून कार्यरत आहे..दोघांचे मोबाइलवर संभाषण सुरू असताना, अमिर पठाणसमोर उभ्या असलेल्या व्यक्तीने, मी पत्रकार आहे. तुझे नाव काय, तू काश्मीरहून आला आहेस का, तू पाकिस्तानचा आहेस का, असे म्हणून मारहाण करण्यास सुरवात केली. तसेच, अवघड जागी मारहाण केली. याचे फोटो आणि व्हिडिओ काढले व ते व्हायरल करण्याची धमकी दिली. हे सर्व संभाषण आपण ऐकल्याचे या फिर्यादीत समिरन पठाण यांनी म्हटले आहे..संविधान चौकात फिर्यादी पत्नी आली असता पती अमिर पठाण फुलाच्या दुकानाजवळ उभा होता. तिने त्यांना विचारले असता, एका अनोळखी पत्रकाराने आपल्याला, तू पाकिस्तानी आहेस का, असे विचारून मारहाण केल्याचे तिला सांगितले. दरम्यान, पत्नी एका कार्यक्रमाला चार मे रोजी गेली असता या तणावातून अमिर पठाण याने घरात गळफास घेऊन आत्महत्या केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
