MPL 2025 : युवा खेळाडूंसाठी एमपीएल हे सर्वोत्तम व्यासपीठ : प्रशांत सोळंकी

पुणे : महाराष्ट्र प्रीमियर लीग (एमपीएल) ही स्पर्धा युवा खेळाडूंना आपल्या कौशल्यांची उजळणी करून राष्ट्रीय स्तरावर पोहोचण्यासाठी प्रभावी व्यासपीठ उपलब्ध करून देते, असे मत ईगल्स नाशिक टायटन्स संघाचा कर्णधार व अनुभवी फिरकीपटू प्रशांत सोळंकी याने व्यक्त केले. .चेन्नई सुपर किंग्स संघाकडून आयपीएलमध्ये खेळलेला प्रशांत सोळंकी सध्या एमपीएलमध्ये प्रभावी प्रदर्शन करीत आहे. आतापर्यंतच्या सहा सामन्यांमध्ये त्याने सहापेक्षा अधिक फलंदाज बाद करीत उत्कृष्ट गोलंदाजीचा नजराणा पेश केला आहे. या स्पर्धेमध्ये सर्वाधिक फलंदाज बाद करणाऱ्या गोलंदाजांपैकी एक गोलंदाज म्हणून त्याच्या नावाचा उल्लेख केला जात आहे..प्रशांत सोळंकी याप्रसंगी म्हणाला, आयपीएलमध्ये चेन्नई संघाकडून खेळण्याचा अनुभव एमपीएलमध्ये फारच उपयोगी ठरतो आहे. माझ्या संघात अनुभवी आणि नवोदित अशा दोन्ही प्रकारचे खेळाडू असून त्यांच्याकडून मला सातत्याने मार्गदर्शन मिळते. त्यामुळे माझी नेतृत्वशैली अधिक समृद्ध होत आहे. फिरकीला पूरक खेळपट्टी असल्यास त्याचा कल्पकतेने कसा उपयोग करता येईल, याचे नियोजन करीत आहे. खेळपट्टी फिरकीस पोषक नसली तरीही आपल्या कौशल्याचा वापर करून किफायतशीर गोलंदाजी कशी करावी, हे मी धोनीकडून शिकलो आहे, असे तो पुढे म्हणाला..मंदार भंडारीचे कौतुकईगल्स नाशिक टायटन्स संघातील यष्टीरक्षक मंदार भंडारी याचा विशेष उल्लेख करताना प्रशांत सोळंकी म्हणाला, यष्टीरक्षक हाच उत्तम कर्णधार असतो, कारण फलंदाजांची शैली, चुका आणि धोरणे तो जवळून पाहू शकतो. मंदारकडून मला मिळणाऱ्या सूचना माझ्या गोलंदाजीसाठी फार उपयुक्त ठरतात. दरम्यान, प्रशांत याने एमपीएल या मानाच्या लीगचीही स्तुती केली. तो म्हणाला, एमपीएलमुळे राज्यातील युवा खेळाडूंना मोठ्या स्पर्धांसाठी तयार होण्याची संधी मिळते आहे. अशा दर्जेदार लीगमुळे क्रिकेटमधील भविष्य निश्चितपणे उज्ज्वल आहे, असा विश्वासही प्रशांत सोळंकीने व्यक्त केला..धोनीकडून शिकवणीप्रशांत सोळंकी महेंद्रसिंग धोनीविषयी म्हणाला, चेन्नई सुपर किंग्स संघाकडून एक वर्षे मी सराव संघातील गोलंदाज म्हणून काम केले आहे. त्यानंतर तीन वर्षे मी त्यांच्याकडून प्रत्यक्ष आयपीएलमध्ये खेळलो आहे. आपल्या संघाची कमी धावसंख्या झाली, तरीही कोणतेही दडपण न घेता आपल्या गोलंदाजांकडून विजय कसा मिळवायचा, हे या संघाकडून शिकायला हवे. गोलंदाजांनी जे काही नियोजन केले आहे, त्यामध्ये फारसे बदल न करता तात्पुरते बदल करून ते कसे यशस्वी होईल, हे डावपेच करण्याबाबत धोनी माहीर आहे. .MPL 2025 : ‘रायगड रॉयल्स’चे आव्हान कायम; अदाणी महाराष्ट्र प्रीमियर लीग, उभय संघाला प्रत्येकी एक गुण.संघामध्ये लहान व ज्येष्ठ खेळाडू असले तरीही या सगळ्यांमध्ये मिळून मिसळून कसे ध्येय साकारायचे हे धोनीकडून शिकलो आहे. धोनी याच्या नेतृत्वाखाली आणि त्याच्याबरोबर खेळण्याची संधी मिळाली, हे मी माझे भाग्य समजतो. संघ संकटात असताना शांत चित्ताने आणि आत्मविश्वासाने निर्णय घेणे, हे धोनीकडून शिकण्यासारखे आहे. माझ्या दृष्टीने तो संकटमोचन हनुमानासारखा आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.