मुंबई: मुंबईसह महाराष्ट्रात 3 जून पासून लॉकडाऊन शिथील होण्यास सुरवात झाली. तेव्हा पासून आतापर्यंत तब्बल 1 हजार 257 नव्या इमारती सिल झाल्या आहेत.
अंधेरी जोगेश्वरी परीसरातील सील केलेल्या इमारतीची संख्या गेल्या आठ दिवसात दुप्पटी पेक्षा अधिक झाली आहे. 9 जून रोजी के पुर्व विभागात 265 इमारती सील होत्या. तर 17 जून पर्यंत 535 इमारती सिल करण्यात आल्या आहेत. तर मालाड पी उत्तर विभागामधील सील केलेल्या इमारतींची संख्या 100 ने कमी झाली आहे. 9 जून रोजी येथे 300 इमारती सील होत्या तर आज 201 इमारती सील आहेत. तर कुलाबा,काळबादेवी,भायखळा, लालबाग, दादर माहिम या भागातील सिल केल्या इमारतींची संख्या घटली आहे .
महापालिकेने जाहीर केलेल्या आकडेवारी नुसार 17 जून रोजी मुंबईतील 4 हजार 996 इमारती सील करण्यात आल्या आहेत.बी तर 3 जून रोजी ही संख्या 3 हजार 739 आणि 9 जून रोजी 4 हजार 538 होती.
सील झोपड्याही वाढल्या:
3 जून रोजी मुंबईत 759 वस्त्या आणि चाळी सील होत्या, तर आज 833 वस्त्या आणि चाळी सील आहेत. यात बोरीवलीतील 128 आणि कुर्ला येथील 112 वस्त्या आणि चाळी सर्वाधिक आहेत.
सर्वाधिक इमारती सील असलेले टॉप पाच विभाग:
आर मध्य कांदिवली -- 416
के पुर्व अंधेरी पुर्व -- 535
एफ उत्तर दादर माटूंगा पुर्व शिव -- 530
पी दक्षिण गोरेगाव -- 300
के पश्चिम अंधेरी पश्चिम -- 260
1257 buildings sealed in mumbai in 14 days
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.