बापरे! मुंबईत मृतांचा आकडा 5 हजारांच्या पार; आज तब्बल 'इतक्या' कोरोना रुग्णांची नोंद.. 

मुंबई : मुंबईत रुग्णासंख्या पुन्हा एकदा हजाराच्या वर गेली असून आज 1381 नवीन रुग्ण सापडले. एकूण रुग्णसंख्या 87,513 झाली आहे. तर आज 62 रुग्णांचा मृत्यू झाला असून मृतांचा आकडा 5061 वर पोचला आहे. मात्र मुंबईत आज एका दिवसात 1101 रुग्ण बरे होऊन घरी गेले.     

हेही वाचा: 'तो' मृतदेह आमच्याच नातेवाईकाचा होता का?..बेपत्ता कोरोना रुग्णाच्या नातेवाईकांचा सवाल..                                 

मुंबईत आज नोंद झालेल्या 59 मृत्यूंपैकी  जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 49 पुरुष तर 13 महिलांचा समावेश होता. एकूण मृत झालेल्या रुग्णांपैकी  5 जणांचे वय 40 च्या खाली होतेे. तर 41 रुग्ण 60 वर्षा वरील होते तर 16 रुग्ण 40 ते 60 वर्षा दरम्यान होते.   
                
मुंबई संशयित रुग्ण आढळणे सुरूच असून आज एकूण 897 नवे संशयित रुग्ण सापडले असून आतापर्यंत 61,011 संशयित रुग्णांना रुग्णालयात दाखल करण्यात आले. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 1101 रुग्ण बरे झाले असून आज पर्यंत  59,238 रुग्णांना घरी सोडण्यात आले.

हेही वाचा: मिरा- भाईंदर महापालिकेची व्यवस्था राम भरोसे; आयुक्तही १४ दिवसाच्या अलगीकरणात.. 
                                                                 
मुंबईत आजारातून बरे झालेल्या रुग्णांचा दर हा 68 टक्के इतका आहे. तर 7 जुलै पर्यंत एकूूूण 3,68,603 कोविड चाचण्या करण्यात आल्या. तर 1 जुलै ते 7 जुलै दरम्यान कोविड रुग्णवाढीचा दर हा 1.54 इतका आहे. तर रुग्ण दुपटीचा दर हा 45 दिवसांवर गेला आहे.

1381 new corona patients in mumbai today