मुंबई : मुंबईकरांची चिंता वाढवणारी बातमी समोर येतेय. मुंबईतील कोविड रुग्णालयातून ड्रग्स प्रकरणात ताब्यात घेण्यात आलेल्या आरोपीने कोरोना हॉस्पिटलमधून पलायन केलं आहे. धक्कादायक बाब म्हणजे हा आरोपी कोरोना पॉझिटिव्ह आहे. ड्रग्स प्रकरणी अटक केल्या गेलेल्या छोटू वर्माने मुंबईतील जेजे रुग्णालयातून पलायन केलं आहे.
महत्त्वाची बातमी : कोरोना दिवाळी! सण साजरा करण्यासाठी राज्य सरकारच्या मार्गदर्शक सूचना जारी
काही दिवसांपूर्वी मुंबईतील भायखळा पोलिसांनी छोटू वर्मा या आरोपीला ड्रग्स प्रकरणी अटक केली होती. छोटू वर्मावर ड्रग्सची तस्करी करण्याचे गंभीर आरोप आहेत. छोटू वर्माला कोर्टात हजार देखील केलं जाणार होतं. मात्र प्रोटोकॉल आणि प्रोसेस प्रमाणे छोटू वर्माची मेडिकल केली गेली. त्याची कोरोना चाचणी देखील केली गेली. या मेडिकल टेस्टमध्ये आणि कोविड टेस्टमध्ये छोटू वर्मा कोरोना पॉझिटिव्ह असल्याचं समोर आलं होतं.
कोरोना चाचणी पॉझिटिव्ह आल्यानंतर आरोपी छोटू वर्मा याला मुंबईतील जे जे हॉस्पिटलमध्ये दाखल करण्यात आलं होतं. वॉर्ड नंबर ५ मध्ये छोटू वर्माला ठेवलं होतं. समोर येणाऱ्या माहितीनुसार छोटू वर्मा याने संधी साधून रुग्णालयातून पळ काढलाय. धक्कादायक बाब म्हणजे छोटू वर्मा हा अजूनही कोरोना पॉझिटिव्ह आहे. कोरोना पॉझिटिव्ह असून छोटू पळून गेल्याने चिंतेचं वातावरण झालंय.
accused chotu verma ran from j j hospital and he is corona positive
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.