कोरोनाबाबत अत्यंत महत्त्वाचं विधान, "अँटीबॉडीज म्हणजे कोविड-19 चा इम्युनिटी पासपोर्ट नाही"

मुंबई, 22 : नोव्हेल कोरोना व्हायरस विषयी आपल्याला अजूनही बऱ्याच गोष्टी संशोधनातून माहिती होत असून  कोविड-19 मधून बऱ्या झालेल्या व्यक्तींना या विषाणूचा पुनःसंसर्ग होण्याची शंका सर्वांच्या मनात आहे. संसर्ग होऊन गेलेल्या व्यक्तीच्या शरीरात तयार झालेली प्रतिपिंडे म्हणजे अँटीबॉडीज त्या व्यक्तीला संरक्षण पुरवू शकतात का आणि पुरवत असतीलच तर त्या किती काळापर्यंत प्रभावी राहतात, अशा अँटीबॉडीज पुनर्संसर्गाशी सामना करण्याइतक्या शक्तिशाली असतात का, या विषयावर अजूनही खूप संशोधन होण्याची गरज असल्याचे मत वैद्यकीय तज्ज्ञांनी मांडले आहे. 

महत्त्वाची बातमी : मुंबईत बड्या सेलिब्रेटींच्या पार्टीवर पोलिसांची धाड; सुरेश रैना, गुरू रंधावा आदींवर कारवाई

अँटीबॉडीजना गृहित धरून चालणार नाही - 

फोर्टिस रुग्णालयाच्या संसर्गजन्य आजार विशेषज्ज्ञ डॉ. अनिता मॅथ्यू यांनी सांगितले की, जागतिक आरोग्य संस्था (डब्ल्यूएचओ)ने सांगितल्याप्रमाणे अँटीबॉडीज हा काही आपला इम्युनिटी पासपोर्ट नाही. अँटीबॉडीजचे आयुर्मान आणि त्याची ताकद यांचा सखोल अभ्यास होण्याची गरज जगभरातील संशोधक सातत्याने मांडत आहेत. इंडियन काउन्सिल ऑफ मेडिकल रिसर्च (आयसीएमआर) कडून कोविड-19 वर उपचार घेतलेल्या व्यक्तींमधील पुनःसंसर्गच्या प्रकरणांचा अभ्यास केला जात आहे. मात्र, दरम्यानच्या काळात अँटीबॉडीजना गृहित धरून चालणार नाही. 

मुंबई परिसरातील बातम्या वाचण्यासाठी येथे क्लिक करा। Marathi News From Mumbai

नजीकच्या काळात कोविड 19 होऊन गेलेल्या व्यक्तींच्या अधिक गटांचे अधिक विस्तृत निरीक्षण करावे, त्यानंतरच आपण ठोस निष्कर्षापर्यंत पोहचू शकतो, असेही मत मॅथ्यू यांनी व्यक्त केले आहे.

antibodies are not immunity passport for novel corona virus says expert