मरकजला गेला असाल तर तत्काळ पोलिसांना माहिती द्या, नाहीतर... वाचा सविस्तर बातमी

मुंबई : दिल्लीतील निजामुद्दीन येथील मरकजला गेलेल्या व्यक्तींनी मुंबई महापालिकेशी 1916 या क्रमांकावर तात्काळ संपर्क साधावा, असे आवाहन प्रशासनाने केले आहे. माहिती न देणाऱ्यांवर कठोर कारवाई केली जाईल, असा इशाराही महापालिकेने दिला आहे. 

मुंबईतील महत्वाच्या बातम्या वाचण्यासाठी येथे क्लिक करा
 

तबलिगी जमातीने गेल्या महिन्यात दिल्लीतील निजामुद्दीन येथे आयोजित केलेल्या धार्मिक कार्यक्रमाला देशभरातून हजारो लोक उपस्थित होते. या कार्यक्रमात सहभागी झालेले लोक देशभरात विखुरले असून, अनेकांच्या संपर्कात आले आहेत. त्यामुळे कोरोनाच्या प्रादुर्भावात वाढ झाल्याची शक्‍यता व्यक्त केली जाते आहे. त्यामुळे या कार्यक्रमाला गेलेल्या नागरिकांनी मुंबई महापालिकेला 1916 क्रमांकावर संपर्क साधून माहिती द्यावी, असे आवाहन प्रशासनाने केले आहे. ही माहिती न देणाऱ्यांवर कठोर कारवाई केली जाईल, असा इशाराही देण्यात आला आहे. 

अधिक बातम्यांसाठी "ईपेपर" वाचा।
 

मुंबईतील कोरोनाग्रस्तांचा आकडा 500 वर जाऊन पोहोचला आहे. काही दिवसांपासून रुग्णांची संख्या झपाट्याने वाढत आहे. मरकजला गेलेले अनेक जण मुंबईत आले असून, त्यांचा अनेकांशी संपर्क आला आहे. संसर्ग अधिक वाढू नये यासाठी महापालिका आणि राज्य सरकारकडून संसर्गित लोकांचा शोध सुरू आहे. या पार्श्‍वभूमीवर मरकजला गेलेल्या व त्यांच्या संपर्कात आलेल्या लोकांपासून इतरांना संसर्ग होऊ नये यासाठी त्यांचा शोध घेऊन विलगीकरण कक्षात ठेवणे आवश्‍यक आहे.