ठाणे : गणेशोत्सवाच्या आजच्या शेवटच्या दिवशी भक्तांकडून "गणपती बाप्पा मोरया, पुढच्या वर्षी लवकर या' अशी भावपूर्ण साद घातली जाते; परंतु खरंच पुढच्या वर्षी बाप्पाचे आगमन 11 दिवस लवकर होणार आहे.
आज अनंत चतुर्दशीच्या दिवशी आपल्या लाडक्‍या बाप्पाला निरोप देण्यात येतो. 10 दिवस बाप्पाची मनोभावे सेवा केल्यानंतर चतुर्दशीचा दिवस कधी उजाडतो कळतच नाही. त्यामुळे निरोपाच्या दिवशी भक्तांकडून आपल्या बाप्पाला "पुढच्या वर्षी लवकर या' ही साद घातली जाते. त्यामुळेच की काय, बाप्पा खरंच पुढच्या वर्षी 11 दिवस लवकर येणार आहे. पुढच्या वर्षी 22 ऑगस्ट 2020 शनिवारी गणेश चतुर्थी असल्याचे पंचांगकर्ते, खगोल अभ्यासक दा. कृ. सोमण यांनी सांगितले आहे.
यंदाप्रमाणेच पुढच्या वर्षीही बाप्पाचा मुक्काम हा अकरा दिवसांचाच असेल, गौरींचे आगमन मंगळवारी 25 ऑगस्टला होईल; तर अनंत चतुर्दशी मंगळवार, 1 सप्टेंबर 2020 रोजी असणार असल्याचे सोमण यांनी सांगितले. पुढील पाच वर्षांच्या बाप्पांच्या आमगनाच्या तारखाही सोमण यांनी नमूद केल्या आहेत.
पुढील 5 वर्षांच्या बाप्पांच्या आगमनाच्या तारखा...
शुक्रवार, 10 सप्टेंबर 2021
बुधवार, 31 ऑगस्ट 2022
मंगळवार, 19 सप्टेंबर 2023
शनिवार, 7 सप्टेंबर 2024
बुधवार, 27 ऑगस्ट 2025
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.