VIDEO: बोरीवलीत इमारतीचा स्लॅब कोसळला, सुदैवानं जीवितहानी टळली

मुंबई- बोरीवलीत शनिवारी रात्री एका इमारतीचा सज्जा कोसळला. सुदैवानं या दुर्घटनेत जीवितहानी टळली आहे. बोरीवली पश्चिम येथील आय.सी. कॉलनीतल्या व्हीला स्टेला या इमारतीत ही घटना घडली. या दुर्घटनेची माहिती मिळताच माजी नगरसेवक अभिषेक घोसाळकर यांनी घटनास्थळी धाव घेतली. घोसाळकर यांनी शिवसैनिकांसोबत मदतकार्यास लगेचच सुरुवात केली. 

मुंबई परिसरातील बातम्या वाचण्यासाठी येथे क्लिक करा

त्यानंतर अग्निशमन दलाला या घटनेची माहिती दिली. माहिती मिळताच अग्निशमन दलाचे जवानही घटनास्थळी दाखल झाले आणि त्यांनी मदतकार्यास सुरुवात केली. या इमारतीतल्या राहणाऱ्या 11 कुटुंबियांना सुरक्षित स्थळी हलवण्यात आलं आहे. सुदैवानं या दुर्घटनेत जीवितहानी झाली नाही. ही घटना बोरिवली प्रभाग 8मध्ये घडली आहे. या घटनेनंतर इमारतीचा वीजपुरवठाही खंडित करण्यात आला होता.