डोंबिवली - सीएसटी ते टिटवाळा लोकलमध्ये दिव्यांगांच्या डब्यात सीटवर बसण्यावरून झालेल्या वादात एका व्यक्तीने अपंग महिलेला बेदम मारहाण केल्याचा व्हिडीओ समाज माध्यमातून व्हायरल झाला होता..याप्रकरणी पीडित महिलेने कल्याण रेल्वे पोलीस ठाण्यात तक्रार दाखल करताच लोहमार्ग पोलिसांनी गुन्हा दाखल करत तपास सुरू केला. दोन ते तीन पथक तैनात करत कल्याण येथून आरोपीला अटक करण्यात आल्याची माहिती सहाय्यक पोलिस आयुक्त अरुण पोखरकर यांनी दिली..कल्याण रेल्वे पोलिसांनी दिलेल्या माहितीनुसार शुक्रवारी रात्री 9 च्या दरम्यान ही घटना घडली आहे. पीडित महिलेला टिटवाळा येथे जायच होत. तीने कांजूर मार्ग येथून लोकल पकडली. दिव्यांगांच्या डब्यात ती चढली. यावेळी डब्यात सीटवर बसण्यावरून तिचा एका पुरुष प्रवाशासोबत वाद झाला. या प्रवासी पुरुषाने झालेल्या वादातून सदर महिलेला बेदम मारहाण केली..या घटनेचा व्हिडीओ समाज माध्यमातून जोरदार व्हायरल झाला. सदर महिला मंगळवारी कल्याण रेल्वे पोलीस ठाण्यात तक्रार दाखल करण्यास आली. दिव्यांगँ महिलेला मारहाण केल्याप्रकरणी पोलिसांनी गुन्हा दाखल करत या प्रकरणाचा तपास सुरू केला. आरोपीला पोलिसांनी कल्याण येथून अटक केली आहे..रेल्वेमध्ये अंध आणि अपंगांसाठी राखीव डब्बा असल्याने त्यामध्ये इतर प्रवासी प्रवास करत असताना हा प्रकार घडल्याचे समोर आले आहे. प्रत्येक वेळेस आमच्यासाठी राखीव असलेल्या डब्यात इतर प्रवासी प्रवास करत असल्याने आम्हाला चढता येत नाही डब्यात की सीटवर जागा मिळत नाही अशी तक्रार पीडित महिलेने केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
