मुंबई - भारतीय रेल्वे गौरव यात्रा अंतर्गत आजपासून सुरू होणारा छत्रपती शिवाजी महाराज रेल्वे सर्किट हा प्रवास सर्व प्रवाशांसाठी एक प्रेरणादायी अनुभव असेल, असे प्रतिपादन मुख्यमंत्री देवेंद्र फडणवीस यांनी केले..छत्रपती शिवाजी महाराज टर्मिनस येथे छत्रपती शिवाजी महाराज रेल्वे सर्किट अंतर्गत भारत गौरव रेल्वेला हिरवा झेंडा दाखवत, या यात्रेची सुरुवात करताना ते बोलत होते.मुख्यमंत्री फडणवीस म्हणाले की, छत्रपती शिवाजी महाराज यांचा आणि स्वातंत्र्याचा इतिहास जिवंत ठेवण्याचे काम या रेल्वेच्या माध्यमातून होणार आहे. आज या रेल्वेतून सातशेपेक्षा जास्त प्रवासी प्रवास करत आहेत. यातील ८० टक्के प्रवासी हे ४० वर्षांच्या आतील आहेत..राज्यातील सर्व भागांतून आलेल्या सर्व प्रवाशांना या सर्किट रेल्वेच्या माध्यमातून इतिहास अनुभवण्याची संधी मिळणार आहे. शिवराज्याभिषेकास ३५१ वर्ष पूर्ण होत आहेत. आजच्या या दिवशी ही रेल्वे सुरू होत असल्याचा आनंद आहे, असेही फडणवीस म्हणाले..मुघल, परकीय आक्रमकांना पराभूत करून छत्रपती शिवाजी महाराजांनी स्वराज्याची निर्मिती केली असे सांगून मुख्यमंत्री फडणवीस म्हणाले की, पुढे हे स्वराज्य अटकेपर्यंत विस्तारले. या गौरव यात्रेचा पहिला मुक्काम रायगड येथे असणार आहे. तसेच या यात्रेत शिवनेरी, लाल महाल, पुण्याची शिवसृष्टी अशा महत्त्वाच्या ठिकाणांना भेटी दिल्या जातील. कोल्हापूरच्या अंबाबाईचे दर्शनही होणार असल्याचे त्यांनी सांगितले..यावेळी विधानसभा अध्यक्ष राहुल नार्वेकर, सांस्कृतिक कार्यमंत्री आशिष शेलार, महाराष्ट्र पर्यटन विकास महामंडळाचे व्यवस्थापकीय संचालक मनोजकुमार सूर्यवंशी, महाराष्ट्र पर्यटन विभागाचे विकास महामंडळाचे महाव्यवस्थापक चंद्रशेखर जयस्वाल यांच्यासह रेल्वेचे अधिकारी, प्रवासी उपस्थित होते..इतिहासाचे घडणार दर्शनछत्रपती शिवाजी महाराज रेल्वे सर्किटमधील पाच दिवसांच्या सहलीमध्ये छत्रपती शिवाजी महाराज यांच्या जीवनाशी संबंधित ऐतिहासिक स्थळांना भेट, इतिहासावर आधारित कार्यक्रम आयोजित केले जातील..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
