CM Eknath Shinde: इंडिया आघाडीच्या कुठल्याही नेत्याच्या संपर्कात राहू नका; CM शिंदेंच्या खासदारांना सूचना

लोकसभा निवडणुकांचे निकाल जाहीर झाल्यापासून महायुतीच्या पायाखालची वाळू सरकरली आहे. महायुतीतील सर्व पक्ष सतर्क आहेत. यावेळी भाजपला लोकसभे बहुमत मिळालं नाही. त्यामुळे भाजप आता मित्रपक्षांवर अवलंबून आहे.

वर्षा बंगल्यावर मुख्यमंत्री एकनाथ शिंदे आणि नवीन खासदारांची महत्त्वपूर्ण बैठक पार पडली. इंडिया आघाडीच्या कुठल्याही नेत्याच्या संपर्कात न राहण्याच्या सूचना खासदारांना देण्यात आल्या. शिवसेनेच्या वाटेला येणाऱ्या केंद्रीय मंत्री पदाच्या संदर्भात देखील या बैठकीत महत्वपूर्ण चर्चा झाली. नरेंद्र मोदी यांच्या सत्तास्थापनेबाबत देखील चर्चा झाली. आज रात्री सर्व खासदार एकनाथ शिंदे यांच्या सोबत दिल्लीला रवाना होणार आहेत.

राज्यात महायुतीला मोठा फटका बसला आहे. महाविकास आघाडीला राज्यात २३ जागा मिळाल्या तर महायुतीला १७ जागा मिळाल्या. काँग्रेस राज्यात ११ जागांसह सर्वात मोठा पक्ष राहीला आहे. ठाकरे गटाला ९ तर शरद पवार गटाला ८ जागा मिळाल्या.

एकनाथ शिंदे यांच्या शिवसेनेला ६, अजित पवार यांना फक्त १ जागा मिळाली. सत्तेसाठी केंद्रात भाजपला बहुमत मिळालं नाही. इंडिया आघाडीने जर घोडेबाजार केला. तर त्यांना देखील सत्ता स्थापनेची संधी आहे. त्यामुळे एनडीएतील सर्व खासदारांना सुचना देण्यात आल्या आहेत.