मुंबईत दिवसभरात कोरोनाच्या नव्या ३४७ रुग्णांची भर; ६ जणांचा मृत्यू

मुंबई : कोरोनातून बरे होणाऱ्या रुग्णांचा आकडा वाढला असून बऱ्याच महिन्यांनंतर मुंबईत दिवसभरात 420 रुग्ण बरे (Corona free patient) होऊन घरी गेले. बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे. मुंबईतील रूग्ण दुपटीचा कालावधी वाढून 1271 दिवसांवर गेला आहे. आज कोरोनाचे नवीन रुग्ण (Corona new patient) तसेच मृतांचा आकडा (corona deaths) काहीसा कमी झाला आहे. आज 347 नवीन रुग्णांची नोंद झाली तर 6 कोविड मृत्यूची नोंद झाली. मुंबईत एकूण मृत्यूचा आकडा 16,028 वर पोहोचला आहे.

आज 347 नवीन रुग्ण रुग्णांसह कोरोना बाधित रुग्णांची एकूण संख्या 7,35,403 वर पोहोचली आहे. दरम्यान, दिवसभरात 420 रुग्णांनी कोरोनावर मात केल्याने आतापर्यंत 7,12,162 रुग्ण कोरोनामुक्त झाले आहेत. मुंबईत सध्या 4744 सक्रिय रुग्ण आहेत. दरम्यान आज 25,581 चाचण्या झाल्या असून पॉझिटिव्हीटी दर 1.01 टक्के इतका आहे. आतापर्यंत 97,41,455 एवढ्या चाचण्या झाल्या आहेत.