मुंबई : मुंबईत आजही बाधित रुग्णांचा भडका उडाला असून 2,172 नवे कोरोना रुग्ण सापडले. मुंबईत रूग्णवाढीच्या दरातही वाढ झाली असून तो 1.03 वरून 1.20 टक्क्यांवर पोहोचला आहे. मुंबईत आज 44 रुग्णांचा मृत्यू झाला असून मृतांचा आकडा 8,064 वर पोहोचला आहे. तर, एकूण रुग्णसंख्या 1,65,287 झाली आहे.
मुंबईत आज 1,132 रुग्ण बरे होऊन घरी गेले. रुग्ण बरे होण्याचा दर हा 78 टक्के इतका आहे. आज झालेल्या 44 मृत्यूंपैकी 26 जणांना दीर्घकालीन आजार होते. मृतांमध्ये 30 पुरुष आणि 14 महिलांचा समावेश होता. यातील तिघांचे वय 40 हून कमी होते. तर 7 रुग्णांचे वय 60 हून अधिक होते. 34 रुग्ण 40 ते 60 वयोगटादरम्यान होते.
दरम्यान, मुंबईत आज 1,132 रुग्ण बरे झाले असून आतापर्यंत 1,29,244 रुग्णांना घरी सोडण्यात आले. मुंबईत रुग्ण दुपटीचा कालावधी 58 दिवसांवर गेला आहे. 10 सप्टेंबरपर्यंत एकूण 8,87,274 कोव्हिड चाचण्या करण्यात आल्या.
मुंबईत 542 कंटेन्मेंट झोन
मुंबईत 542 वस्त्या आणि झोपडपट्टया कंटेन्मेंट झोन म्हणून जाहीर करण्यात आले आहेत. तर सक्रिय सीलबंद इमारतींची संख्या 7,217 आहे. गेल्या 24 तासांत बाधितांच्या संपर्कात आलेले 11,117 संशयित आढळले आहेत.
---------------------------------------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.