मुंबई गोवा महामार्गावरील कशेडी घाटात भीषण अपघात, बस कोसळली 50 फूट खोल दरीत 

पोलादपूर - मुंबई-गोवा महामार्गावरील कशेडी घाटात आज भीषण अपघात झालाय. आज ज्या भागात अपघात झालाय त्या ठिकाणी सातत्याने अपघात होण्याचं प्रमाण अधिक आहे. अशात आज पुन्हा पहाटे चार वाजण्याच्या सुमारास पोलादपूर तालुक्याच्या हद्दीत कशेडी घाटात भीषण अपघात झाला आहे. या अपघातामध्ये एका बालकाचा मृत्यू झाला आहे तर 15 जण जखमी झाले आहेत.

महत्त्वाची बातमी : प्रदूषणास जबाबदार कपन्यांना MPCB च्या नोटिसा, MMR भागातील या 40 कंपन्या पसरावतायत प्रदूषण

सदर बस मुंबईतील सायनवरून कणकवलीला जात असताना पोलादपूर तालुका पोलिस स्टेशनच्या हद्दीत कशेडी घाटात आणि भोगाव गावच्या नजीक आज पहाटे चार वाजण्याच्या सुमारास बस दरीत कोसळली असून भीषण अपघात झाला. ही बस 28 प्रवाशांना घेऊन सायन वरून कणकवलीला जात होती, ज्यामध्ये बहुतेक प्रवासी संगमेश्वर येथून असून या अपघातात एका बालकाचा मृत्यू झाला आहे. तर जवळपास 15 ते 18 प्रवासी जखमी झाले असल्याचे समजते. तब्बल पन्नास फूट खोल दरीत ही बस कोसळून हा अपघात झालाय.

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali 

दरम्यान बचावकार्य करून जखमींना पोलादपूर महाडमध्ये उपचारासाठी हलविण्यात आले आहे. जगद्गुरु नरेंद्रचार्य महाराज संस्थानचे मोफत रुग्णवाहिका तसेच महाराष्ट्र शासनाने 108 रुग्णवाहिका घटनास्थळी दाखल होऊन मदतीसाठी धावले. सदर ठिकाणी महाडमधील साळुंके रेस्क्यू टीमचे सदस्य यांनी तातडीने हजेरी लावून पोलादपूर पोलिस स्टेशन आणि स्थानिकांच्या सहाय्याने यावेळी बचावकार्य केले. 

( संपादन - सुमित बागुल )

dangerous accident in kashedi ghat bus collapsed in 50 feet deep valley