कॉंग्रेसचा आरे व्यापारीकरणाचा प्रस्ताव फडणवीसांनी हाणून पाडला; शेलारांचे प्रत्युत्तर

कॉंग्रेसचा आरे व्यापारीकरणाचा प्रस्ताव फडणवीसांनी हाणून पाडला; शेलारांचे प्रत्युत्तर


मुंबई  ः आरेच्या भूखंडाचे श्रीखंड खाऊन त्याचा व्यापारी वापर करण्याचा निर्णय 2014 मध्येच कॉंग्रेस सरकारने घेतला होता; मात्र तो नंतरच्या भाजप सरकारने हाणून पाडला. आता आरेचे व्यापारीकरण होणार नाही, असे वचन मुख्यमंत्री उद्धव ठाकरे यांनी द्यावे, असा प्रतिहल्ला भाजप नेते तथा आमदार ऍड. आशीष शेलार यांनी केला आहे. 

आरेच्या भूखंडाचे व्यापारीकरण करता यावे यासाठी कांजूरमार्गच्या मेट्रो कारशेडचा प्रकल्प फडणवीस सरकारने मोडीत काढून तो आरेमध्ये नेला, असा आरोप आज कॉंग्रेस प्रवक्ते सचिन सावंत यांनी केला होता. त्याला उत्तर देताना शेलार यांनी आज पुन्हा सावंत यांच्या अतिशहाणपणामुळे त्यांच्या अज्ञानाचे प्रदर्शन झाले, अशी जळजळीत टीका केली. 

भूखंडाचे श्रीखंड खाण्याचा कॉंग्रेस संस्कृतीचा डाव 2014 मध्येच होता. 3 मार्च 2014 मध्ये तत्कालीन कॉंग्रेस मुख्यमंत्र्यांनी आरेच्या मेट्रो कारशेडचा भूखंड नाममात्र दराने एमएमआरडीएला देऊन त्याचा व्यावसायिक वापर करावा, अशी मुभा दिली होती; मात्र तो निर्णय नंतर फडणवीस सरकारने हाणून पाडला व त्या जागेचा व्यावसायिक वापर न करता फक्त मेट्रो कारशेडसाठीच वापर होईल, असे भाजप सरकारने 9 नोव्हेंबर 2017 मध्ये ठरविले. अशाप्रकारे मेट्रो कारशेड जमिनीचा व्यापारी वापर करण्याचा कॉंग्रेसचा प्रयत्न भाजप सरकारने रद्द केला हेच दिसत असल्याचे शेलार यांनी सांगितले. 

devendra Fadnavis rejected the Congress proposal for commercialization Shelars reply

--------------------------------

( संपादन - तुषार सोनवणे )

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com