आकाशात उंच घिरट्या घेणारी घार नेहमीच कुतूहलाचा विषय असतो. उन्हाच्या झळांनी नागरिक होरपळून निघत असताना पशू पक्षांना ही उन्हाचा तडाखा बसत आहे.
डोंबिवली - आकाशात उंच घिरट्या घेणारी घार नेहमीच कुतूहलाचा विषय असतो. उन्हाच्या झळांनी नागरिक होरपळून निघत असताना पशू पक्षांना ही उन्हाचा तडाखा बसत आहे. उन्हाच्या झळांनी गलितगात्र झालेली अशीच एक घार नवी मुंबईतील जुईनगर येथे रस्त्याच्या कडेला निपचित पडलेली होती. याविषयी प्राणी प्रेमींनी पॉज संस्थेच्या हेल्पलाईनवर फोन करुन दिली.
पॉज संस्थेचे देवेंद्र निलाखे आणि जयश्री काळे यांनी तात्काळ घटनास्थळी जाऊन घार ला रेस्क्यू केले. घारीला उन्हामुळे डिहायड्रेशनचा त्रास झाला होता. तिच्यावर उपचार केल्यानंतर 48 तास निगराणीखाली ठेवल्यानंतर तिला पुन्हा निसर्गाच्या अधिवासात सोडून देण्यात आले असल्याची माहिती संस्थेचे संस्थापक निलेश भणगे यांनी दिली.
उन्हाचा तडाखा वाढला आहे, सध्या 42 अंश सेल्सिअस पर्यंत तापमान आहे. ह्या तपमानात पशु पक्ष्यांना देखील त्रास होतो. साधारण पणे सर्व पक्षी सकाळी आणि संध्याकाळी घरट्या बाहेर पडून अन्न शोधतात आणि मग परत घरट्यात जातात. परंतु काही पक्षी जसे घार, कबुतर आणि कावळे जे दुपारी सुद्धा खाद्य शोधत असतात. अश्यावेळी त्यांना उष्माघात होण्याची शक्यता असते. त्याविषयी पॉजला अनेक कॉल येत असतात. आमचे स्वयंसेवक त्यांना रेस्क्यू करत उपचार करुन नंतर निसर्गात त्यांना मुक्त करीत असल्याचे देखील भणगे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.