डोंबिवली : विविध गुन्ह्यांमध्ये डोंबिवलीतील मानपाडा, कल्याणमधील कोळसेवाडी आणि महात्मा फुले पोलीस ठाण्यात एकूण 13 गुन्हे दाखल असलेल्या ठाकुर्लीतील रील स्टार सुरेंद्र पांडुरंग पाटील (वय 53) यांच्यावर नाशिक येथील एका तरूणीने दोन दिवसापूर्वी लैंगिक अत्याचाराचा गुन्हा मानपाडा पोलीस ठाण्यात दाखल केला होता. या प्रकरणाचा तपास सुरू असतानाच आता एका घटस्फोटित महिलेने सुरेंद्र यांच्यावर लैंगिक अत्याचाराचा आरोप करून त्यांच्या विरुध्द रामनगर पोलीस ठाण्यात तक्रार केली आहे. पोलिसांनी गुन्हा दाखल करून वरिष्ठांच्या आदेशावरून तपास सुरू केला आहे.