बहिणींनो काळजी करू नका; रक्षाबंधनसाठी रविवारीही पोस्टाची सेवा सुरू ...

ठाणे :  लॉकडाऊनमुळे अनेक बहिणींना यंदा माहेरी जाऊन भावाला राखी बांधता येणार नाही. त्यामुळे त्यांनी राखी पाठवण्यासाठी टपालाला पसंती दिली आहे. त्याची दखल घेत या विभागाने वेळेवर राखी पोहचवण्यासाठी रविवारी (ता.2) सेवा सुरू ठेवण्याचा निर्णय घेतला आहे. 

आदित्य ठाकरेंची मुंबई पोलिस आयुक्तांसोबत बैठक, अक्षयकुमारही उपस्थित, चर्चा गुलदस्त्यात...

भाऊ दूर रहाण्यास असल्याने किंवा अन्य कारणाने बहिणींना रक्षाबंधनच्या दिवशी भावाकडे जाणे शक्य होत नाही. त्यामुळे बहिणी कुरिअरने किंवा टपालमार्फत राखी पाठवितात. यंदा कुरिअर सेवा बंद असल्याने टपाल विभागाच्या मदतीने राखी पाठविण्याचा पर्याय अनेकांनी स्वीकारला. मात्र, 
शनिवारी बकरी ईदची सुट्टी व सोमवारी रक्षाबंधन आहे. त्यामुळे राखी वेळेवर पोहचवण्यासाठी रविवारीही टपाल कार्यालय कार्यरत राहणार आहे, अशी माहिती ठाणे टपाल विभागाच्या वतीने देण्यात आली.

अमिषा पटेलची वेबविश्वात एन्ट्री; दुबईला होणार वेबसीरीजचे शूटिंग

विशेष राखी पाकिटाला पसंती
दरवर्षीप्रमाणे यावर्षीही टपाल विभागाने रक्षाबंधन निमित्त विशेष राखी पाकीट  उपलब्ध केले होते. या योजनेला यंदा उत्तम प्रतिसाद मिळाला आहे. ठाणे विभागातील सर्व टपाल कार्यालयात राखी पाकीटाचे बुकींग करण्यासाठी काऊंटर उघडण्यात आले होते. राखी पाकीट तातडीने वेगळी करुन ते पत्त्यावर पोहोच करण्याची व्यवस्थाही करण्यात आली आहे.

---------------------------------------------

संपादन - तुषार सोनवणे