नवाब मलिक म्हणतात 'तो' दाढीवाला हाच का?

मुंबई: राष्ट्रवादी काँग्रेसचे नेते (ncp) आणि प्रवक्ते नवाब मलिक (nawab malik) यांनी काल घेतलेल्या पत्रकार परिषदेत कार्डिलिया क्रूझवरील ड्रग्ज (drugs case) पार्टीत एक दाढीवाला असल्याचा आरोप केला होता. मोठा आंतरराष्ट्रीय ड्रग माफिया त्या दिवशी क्रूझवर होता. त्यानेच पार्टी आयोजित केली होती. दाढीवाला असणारा हा माफिया याआधी राजस्थानच्या (rajasthan) जेलमध्ये पण होता, असे नवाब मलिक यांनी म्हटले होते.

आता हा दाढीवाल कोण आहे? त्याच्याबद्दलची माहिती समोर आली आहे. त्या दाढीवाल्याचे नाव काशिफा खान आहे. तो फॅशन टीव्हीचा MD आहे. त्याने कार्डिलिया क्रूझ वर पार्टी आयोजित केली होती. काशिफाची प्रेयसी रुक्मिणी हुडा हिचे गन बरोबर फोटो आहेत. काशिफाचा रीना बोरॉत बरोबर क्रूझ वरचा व्हिडीओ असल्याची माहिती समोर आली आहे.

त्या दिवशी क्रूझवर आंतराराष्ट्रीय ड्रग माफिया देखील होता. तो तिहार जेल मध्ये राहिला होता, तो याआधी राजस्थानच्या जेलमध्ये राहिला होता, असा मोठा ड्रग माफिया वानखेडेंच्या ओळखीचा आहे, तो मोकाट आहे, असा आरोप नवाब मलिकांनी केला होता.