Dombivli Crime News : फ्लिप कार्ड हबमधुन मोबाईल फोन, लॅपटॉप चोरीला, कल्याण गुन्हे शाखेची कारवाई; 6 लाख 33 हजाराचा मुद्देमाल जप्त

डोंबिवली : मोबाईल फोन, लॅपटॉप, इलेक्ट्रिक फॅन अशा सुमारे 6 लाख 33 हजार रुपये किंमतीच्या वस्तू त्यांनी फ्लिप कार्ड हब मधून चोरी केल्या. हा चोरीचा माल विक्रीस करता आणला, मात्र विक्री करण्याच्या आधीच कल्याण गुन्हे शाखेच्या बेड्या हाती पडल्या. .प्रणव पांचाळ (वय 25), प्रशांत शेलार (वय 25), अजित राणे (वय 28) आणि अमित राणे (वय 30) अशी अटक आरोपींची नावे आहेत. त्यांच्याकडून पोलिसांनी 23 मोबाईल फोन, 2 लॅपटॉप, इअर बर्डस, इलेक्ट्रिक फॅन अशा 6 लाख 33 हजार रुपये किंमतीच्या एकूण 50 वस्तू पोलिसांनी हस्तगत केल्या आहेत..कल्याण गुन्हे शाखा घटक 3 पथकाचे पोलीस अधिकारी व अंमलदार यांना गुप्त बातमीदारांकडून माहिती मिळाली होती, की काही व्यक्ती चोरीचे मोबाईल फोन, लॅपटॉप विक्री साठी येणार आहेत. मिळालेल्या माहितीनुसार कल्याण गुन्हे शाखेचे वरिष्ठ पोलीस निरीक्षक अजित शिंदे यांच्या मार्गदर्शनाखाली सहाय्यक पोलीस निरीक्षक संतोष उगलमुगले, पोलीस उप निरीक्षक विनोद पाटील, पोलीस अंमलदार विलास कडू, दिपक महाजन, गुरुनाथ जरग, मिथुन राठोड, विनोद चन्ने, सतिश सोनावणे यांच्या पथकाने डोंबिवली पूर्वेतील खंबाळ पाडा रोडवर सापळा रचला. यावेळी प्रणव, प्रशांत, अजित व अमित यांना ताब्यात घेण्यात आले..कल्याण-डोंबिवली ‘सिटी ऑफ ट्रीज’.त्यांच्याकडे वेगवेगळ्या चार बॉक्स मध्ये मोबाईल फोन, लॅपटॉप व इतर वस्तु आढळून आल्या. पोलिसी खाक्या त्यांना दाखवताच त्यांनी गुन्ह्याची कबुली दिली. त्यांनी सर्वांनी मिळून या वस्तू मागील तीन महिन्यात कोळसेवाडी परिसरातील अमेय हॉस्पीटल समोरील फ्लिप कार्डच्या हबमधुन चोरी केल्या आहेत. हे चोरीचे मोबाईल फोन, लॅपटॉप तसेच इतर वस्तु विक्री करण्याकरिता ते घेऊन जात होते.याप्रकरणी कोळसेवाडी पोलीस ठाण्यात तपास केला असता त्यांच्याकडे गुन्हे नोंद असल्याची माहिती पोलिसांना मिळाली. कल्याण गुन्हे शाखेने आरोपी व मुद्देमाल कोळसेवाडी पोलिसांच्या ताब्यात दिले आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.