Viral Video : फिल्म प्रोड्युसरने स्वत:च्या बायकोलाच कारखाली चिरडलं; CCTV फुटेज व्हायरल

मुंबई : फिल्म प्रोड्युसर कमल मिश्रा याने आपल्याच बायकोला कारखाली चिरडल्याची धक्कादायक घटना घडली आहे. या घटनेचा धक्कादायक व्हिडिओ सध्या व्हायरल झाला असून मुंबईतील अंबोली परिसरात ही घटना घडली आहे. पोलिसांनी तक्रारीनुसार गुन्हा दाखल केला असल्याचं पोलिसांनी सांगितलं आहे.

(Kamal Mishra hits his wife with car viral video)

पोलिसांनी दिलेल्या माहितीनुसार, फिल्म प्रोड्युसर कमल किशोर मिश्रा याचे आपल्या पत्नीसोबत वाद झाले होते. त्यावेळी त्यानवे तिच्या अंगावर गाडी घातली. त्यामुळे ती गाडीच्या पुढच्या चाकाखाली येऊन चिरडली गेली आणि जखमी झाली आहे. दरम्यान, ही घटना १९ ऑक्टोबर रोजी घडली असल्याची माहिती समोर आली असून अजूनही मिश्रा याला अटक झाली नाही.

या घटनेनंतर तिला हॉस्पिटलमध्ये दाखल करण्यात आलं असून तिच्यावर उपचार चालू आहेत. त्याचबरोबर तिने दिलेल्या तक्रारीनुसार पोलिसांकडून गुन्हा नोंदवण्यात आला आहे. आरोपी कमल मिश्रा याचा शोध घेण्याचे कामही सुरू असल्याची माहिती पोलिसांनी दिली आहे.