डोंबिवली MIDC तील 'ड्रीमलॅंड' रासायनिक कंपनीला आग; मोठी वित्तहानी झाल्याचा अंदाज

डोंबिवली MIDC तील 'ड्रीमलॅंड' रासायनिक कंपनीला आग; मोठी वित्तहानी झाल्याचा अंदाज

ठाणे - डोंबिवली एमआयडीसी फेज 2 मधील ड्रीमलॅंड रासायनिक कंपनीला रविवारी दुपारी 12.30 च्या सुमारास आग लागल्याची घटना घडली. या आगीत कोणतीही जिवीत हानी झाली नसून वित्तहानी मात्र मोठ्या प्रमाणात झाली असल्याची माहिती अग्निशमन दलाकडून देण्यात आली. 

डोंबिवली एमआयडीसी फेज 2 मधील रासायनिक कंपनीला आग लागण्याची महिन्याभरातील ही दुसरी घटना आहे. रक्षाबंधनच्या दिवशी याच परिसरातील एका कंपनीला आग लागून वित्तहानी झाली होती. त्यातच रविवारी 23 ऑगस्टला दुपारी साधारण 12.30 च्या सुमारास ड्रिमलॅंड या रासायनिक कंपनीला आग लागली. पावसाने आज उघडीप घेतली असून मध्येच उन पडत आहे. त्यामुळे आगीने रौद्र रुप धारण केले. आगीची माहिती मिळताच अग्निशमन दलाच्या गाड्या घटनास्थळी दाखल झाल्या.

सुरुवातीला घटनास्थळी तीन गाड्या दाखल झाल्या होत्या. नंतर पुन्हा दोन गाड्या मागविण्यात आल्या. दोन तासांच्या अथक प्रयत्नानंतर आगीवर नियंत्रण मिळविण्यात अग्निशमन दलास यश आले. शॉर्टसर्कीटमुळे ही आग लागली असावी असा प्रथम अंदाज बांधला जात आहे. या आगीत कोणतीही जिवीतहानी झाली नसून वित्तहानी मोठ्या प्रमाणात झाली आहे. यामुळे आजूबाजूच्या परिसरात मोठ्या प्रमाणात धूर पसरला होता.

---------------------------------------------

( संपादन - तुषार सोनवणे )

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com