#Breaking : तारापूर एमआयडीसीतील कंपनीत भीषण स्फोट; दोघांचा मृत्यू

विरार:  तारापूर एमआयडीसी मधील गॅलेक्सी सरफॅक्टटंट या कंपनीमध्ये सोमवारी दुपारी 12 वाजण्याच्या सुमारास भीषण स्फोट झाला. यामध्ये दोन कामगार दगावल्याची प्राथमिक माहिती समोर आली आहे.

मुंबईतील महत्वाच्या बातम्या वाचण्यासाठी येथे क्लिक करा

तारापूर एमआयडीसीमधील गॅलेक्सी सरफॅक्टटंट कंपनीत झालेल्या स्फोटात विजय पांडुरंग सावंत, समीर शहाबुद्दीन खोजा असे मृत पावलेल्या कामारांगांची नावे आहेत. तसेच रुणाल प्रभाकर राऊत हे जखमी आहेत. कंपनीत सोमवारी दुपारी बारा वाजण्याच्या सुमारास भीषण स्फोट झाला. हा स्फोट इतका भीषण होता की, त्याचा आवाज सुमारे पाच किमीवर असलेल्या शिवाजी नगर, सालवड, नांदगाव व मुरबे गावांपर्यंत ऐकू आल्याचे नागरिकांनी सांगितले. सध्या लॉकडाउनमुळे कंपनीच्या बाजूच्या बहुतांश कंपन्या बंद असल्याने या स्फोटाचा आवाज जास्त दुरवर ऐकू आला.

तारापूर एमआयडीसी अग्निशामक दलाचे बंब घटनास्थळी पोहोचले असून गंभीर जखमी व संभाव्य मृतांना रुग्णालयात नेण्यात आले आहे.दरम्यान, बोईसर पोलीस अधिक तपास करीत आहेत.

Fire at galaxy company in Tarapur MIDC