महाड : कोरोनाने त्रस्त झालेल्या महाडकरांना आता पुराची भीती सतावू लागली आहे. सावित्री, काळ आणि गांधारी नद्यांनी धोक्याची पातळी ओलांडल्याने महाड शहरातील सखल भागात पुराचे पाणी शिरले. 24 तासांत महाडमध्ये 97 मिमी पावसाची नोंद करण्यात आली आहे.
सोमवारी सायंकाळपासून महाडमध्ये पावसाचा जोर कायम असल्याने तालुक्यातील सावित्री, काळ आणि गांधारी नद्यांना पूर आला होता. यामुळे सावित्रीचे पाणी पहाटेच्या सुमारास मासळी बाजार, अर्जुन भोई मार्ग, तर बाजारपेठेतही शिरले. तर गांधारीलाही पूर आल्याने दस्तुरी नाका, भीमनगर, गांधारी नाका या परिसरात पुराचे पाणी शिरले. परिणामी,
दस्तुरी नाका ते हायवे हा रस्ता आणि गांधारी पूल वाहतुकीला बंद झाला होता. महाड-रायगड रस्त्यावर तेटघरजवळ पाणी आल्याने या रस्त्यावरील वाहतूकही ठप्प झाली होती. यासाठी महाड नगरपालिका आणि पोलिस पथकही सतर्क राहिले होते. जिल्हा प्रशासनाने तीन दिवस पावसांचा इशारा दिल्याने नागरिकांनी कामाशिवाय बाहेर पडू नये, असे आवाहन नगरपालिकेने केले आहे.
आपत्कालिन यंत्रणा सज्ज
पूर वाढल्यास नागरिकांना सुरक्षित स्थळी नेण्यासाठी पालिकेने होड्या, कर्मचारी, आपत्ती यंत्रणा, रात्रीच्या वेळेस लागणारे दिवे सज्ज ठेवले आहेत. शहराप्रमाणेच तालुक्यातही गरज भासल्यास नागरिकांना सुरक्षितस्थळी हलवले जाणार आहे. तालुक्यातील रायगड, बिरवाडी व वाळण भागात पावसाचा जोर वाढत आहे.
व्यापाऱ्यांमध्ये चिंतेचे वातावरण
महाडमध्ये कोरोनाचा प्रसार वाढत असतानाच त्रस्त झालेले नागरिक व व्यापाऱ्यांवर पुराची टांगती तलवार आहे. सावधगिरी म्हणून महाड बाजारपेठेतील व्यापाऱ्यांनी दुकानातील माल सुरक्षितस्थळी हलवण्यास सुरुवात केली आहे.
---------------------------------------------------
संपादन - तुषार सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.