नियम पाळा अन्यथा कोरोनाची दुसरी लाट; टास्क फोर्सच्या सदस्य मनिषा म्हैसकर यांचा इशारा

मिलिंद तांबे
Monday, 21 September 2020

निष्काळजीपणे वागलो तर आपल्यालाही तिचा सामना करावा लागू शकतो, अशा इशारा राज्य टास्क फोर्सच्या सदस्य मनिषा म्हैसकर यांनी दिला आहे.  

मुंबई : अवघे जग कोरोनाच्या दुस-या लाटेमुळे धास्तावलेले आहे. आपण आतापर्यंत ही लाट रोखण्यात यशस्वी झालो आहोत. मात्र निष्काळजीपणे वागलो तर आपल्यालाही तिचा सामना करावा लागू शकतो, अशा इशारा राज्य टास्क फोर्सच्या सदस्य मनिषा म्हैसकर यांनी दिला आहे.  

मोठी बातमी! मराठा आरक्षणावरील स्थगिती उठविण्यासाठी राज्य सरकारचा सर्वोच्च न्यायालयात अर्ज

म्हैसकर यांनी कोरोना लाटेसंदर्भामत फेसबुकवर पोस्ट लिहिली आहे. त्यात त्यांनी सांगितले की, सहा महिन्यानंतर मुंबईतील जनजीवन पुर्वपदावर येत आहे.  असे असले तरी कोरोनाच्या दुस-या लाटेची टांगती तलवार  डोक्यावर आहेच. अवघे जग या दुस-या लाटेमुळे धास्तावले आहे. आपण यापासून लांब असलो तरी हा धोका टळलेला नाही. दुसरी लाट आली तर मात्र इतरांना दोष देता येणार नाही. त्यासाठी स्वत: जबाबदार असू ,असे ही मनिषा म्हैसकर यांनी सांगितले आहे.
जुन-जुलै मध्ये नागरिकांनी फार चांगला प्रतिसाद दिला. सरकारी नियमांचे पालन केले. मात्र ऑगस्ट - सप्टेंबर मध्ये नेमकी उलटी परिस्थिती दिसत आहे. या दरम्यान मोठ्या प्रमाणात निष्काळजीपणा, बेजबाबदारपणा दिसला, नागरिक आत्मसंतुष्ट दिसले. मात्र हिच वर्तणूक घातक ठरू शकते. त्यामुळे कोरोनाच्या दुस-या लाटेला आमंत्रण मिळणार आहे. तेव्हा आत्मसंतुष्ट होऊ नका,नियमांचे पालन करा असे आवाहन ही म्हैसकर यांनी केले आहे. 

सुशांतसिंग आत्महत्या प्रकरण! सारा, रकुल, सिमोन यांना समन्स पाठवणार; अंमली पदार्थ विरोधी पथकाने फास आवळला

कोरोनाची दुसरी लाट रोखण्यासाठी  "थ्री सी" चे नियम पाळणे आवश्यक असल्याचे ही त्या म्हणाल्या. "क्लोज स्पेस", "कन्फर्म स्पेस" आणि "क्राऊडेड स्पेस" टाळायचे आवाहन ही त्यांनी केले आहे. त्यासह आपल्याला मास्क घालण्याची सवय करायला हवी. बेजबाबदारपणा सोडायला हवा.  लस येत नाही तोपर्यंत आपल्याला काळजी घ्यायची गरज असल्याचे ही त्या म्हणाल्या.

सवलतींचा मोह टाळा
अनलॉक 4 नंतर आता अनेक व्यवसाय सुरू झाले आहेत. अनेक मनमोहक सवलती आपल्याला बघायला मिळत आहेत. खास करून सलून आणि ब्युटीपार्लर मध्ये अनेक आकर्षक सवलती आहेत. मात्र हा मोह आपण टाळायला हवा, असे आवाहन मनिषा म्हैसकर यांनी केले आहे. 

------------------------------------------------- 

( संपादन - तुषार सोनवणे )


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Follow the rules otherwise the second wave of the corona Manisha Mhaiskars warning