बेस्टला केलेल्या मदतीचा हिशोब घेऊन पुढील मदत करणार: मुंबई पालिका

समीर सुर्वे
Thursday, 5 November 2020

बेस्ट उपक्रमाला देण्यात आलेल्या 2 हजार 100 कोटी रुपयांच्या आर्थिक मदतीचा हिशोब घेऊनच पुढील मदत करण्यात येणार असल्याची स्पष्ट भूमिका महानगर पालिकेच्या स्थायी समितीच्या बैठकीत घेण्यात आली आहे.

मुंबई:  बेस्ट उपक्रमाला देण्यात आलेल्या 2 हजार 100 कोटी रुपयांच्या आर्थिक मदतीचा हिशोब घेऊनच पुढील मदत करण्यात येणार असल्याची स्पष्ट भूमिका महानगर पालिकेच्या स्थायी समितीच्या बैठकीत घेण्यात आली आहे.

विरोधी पक्षनेते रवी राजा यांनी स्थायी समितीच्या बैठकीत पालिकेने आता पर्यंत बेस्ट केलेल्या केलेल्या मदतीचा मुद्दा उपस्थित केला.आर्थिक मदतीच्या खर्चाचा हिशोब बेस्टने देणे अपेक्षित होते. मात्र,तो अद्याप देण्यात आलेला नाही. त्यामुळे यापुढे आर्थिक मदत देण्यापूर्वी त्यांच्याकडून खर्चाचा हिशोब घ्यावा अशी मागणी त्यांनी केली.

पालिकेने आता पर्यंत बेस्टला 2 हजार १०० कोटी रुपयांची मदत केली आहे. यंदासाठी 1 हजार 500 कोटींची मदत देण्यात येणार होती. ही मदत आता 500 कोटी रुपयांनी कमी केली असली तरी 400 कोटी बेस्टच्या परिवहन विभागाला देण्यात आले आहे. परिवहन विभागासाठी दिलेला पैसा बेस्टने परस्पर विद्युत विभागासाठी वळवला, असल्याचा आरोप रवी राजा यांनी केला. आता पर्यंत देण्यात आलेल्या 2 हजार 100 कोटी रुपयांची मदत केली असून त्याचा हिशोब दिलेला नाही असेही त्यांनी नमूद केले.

अधिक वाचाः  ऊर्जामंत्री नितीन राऊत यांचे निर्देश; संगनमताने होणारी वीज बिलातील लूट थांबवा

यावर बेस्ट प्रशासनाकडून माहिती सादर केली जात नसल्याबद्दल स्थायी समिती अध्यक्ष यशवंत जाधव यांनी नाराजी व्यक्त केली. यापुढे बेस्टने अगोदर दिलेल्या मदतीचा हिशोब सादर करत नाहीत तो पर्यंत त्यांना पुढील मदत देऊ नका असे निर्देश जाधव यांनी पालिका प्रशासनाला दिले.

अधिक वाचाः  हॉटेल्सचा मालमत्ता कर माफ, विरोध करुन शिवसेनेने प्रस्ताव मंजूर केला

---------------------------

(संपादनः पूजा विचारे)

The following help will be given BEST Mumbai Municipal Corporation


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The following help will be given BEST Mumbai Municipal Corporation