Ganesh Naik : 14 गावे नवी मुंबई महापालिका हद्दीत समाविष्ट करण्याच्या निर्णयाला, वनमंत्री गणेश नाईक यांनी केला विरोध

डोंबिवली : नवी मुंबई महापालिकेतून वगळलेली 14 गावे पुन्हा महापालिकेत समाविष्ट करण्याचा निर्णय लोकसभा निवडणुकी दरम्यान घेण्यात आला. तसा शासन निर्णय देखील घेण्यात आला..मात्र या निर्णयाला आता वनमंत्री गणेश नाईक यांनी विरोध केला आहे. त्यांनी थेट मुख्यमंत्री देवेंद्र फडणवीस यांना याबाबत पत्र पाठविले आहे. यामुळे 14 गावांचे भवितव्य पुन्हा टांगणीला लागले आहे. 14 गावांच्या समावेशामुळे नवी मुंबई महापालिकेवर सहा हजार कोटी रुपयांच्या आर्थिक भार पडणार असल्याचे नाईक यांचे म्हणणे आहे..एकेकाळी वाढीव मालमत्ता कराच्या प्रश्नावर नवी मुंबई महापालिकेतून बाहेर पडल्याने ही गावे समस्यांच्या गर्तेतत सापडली आहेत. यातून बोध घेऊन ग्रामस्थांनी आमच्या गावांचा पुन्हा नवी मुंबई महापालिकेत समावेश करावा अशी मागणी लावून धरली होती..लोकसभा निवडणुकांची आचारसंहिता लागू होण्यापुर्वी तत्कालिन मुख्यमंत्री एकनाथ शिंदे यांनी शासन निर्णय काढून ही मागणी पुर्ण केली. दरम्यान कल्याण ग्रामीण विधानसभा मतदारसंघा मधील १४ गावे नवी मुंबई महापालिका हद्दीतून वगळावित असे पत्र नाईक यांनी मुख्यमंत्र्यांना दिल्याने राजकीय वर्तुळात अनेकांच्या भुवया उंचावल्या आहेत. या गावांच्या विकासाचा भार नवी मुंबईकर करदात्यांनी का सोसावा, असा सवाल पत्रात करण्यात आला आहे..गावांचा समावेश करण्यात आल्यानंतर नवी मुंबई महापालिकेचे तत्कालिन आयुक्त अभिजीत बांगर यांनी नगरविकास विभागाला अहवाल पाठविला होता. यात या गावांतील विकासासाठी सहा हजार कोटी रुपयांचा आर्थिक भार महापालिकेवर पडेल असे म्हटले होते.समावेश करत असताना सरकारने महापालिकेस विकास अनुदान द्यावे अशीही मागणी करण्यात आली होती. नेमका हाच मुद्दा उचलून धरत गणेश नाईक यांनीही विधानसभा निवडणुकांच्या तोंडावर गावांच्या समावेशास विरोध केला होता..Global Politics : तरच अमेरिकेबरोबर वाटाघाटी करू : इराण.कोणती आहेत 14 गावे...दहिसर, मोकाशी, वालिवली, पिंपरी, निघू, नावाळी, वाकळण, बाम्मली, नारीवली, बाळे, नागांव, भंडार्ली, उत्तर शीव, गोठेघर अशी गावांची नावे आहेत.. नवी मुंबई महानगरपालिकेच्या अर्थसंकल्पीय निधीतून 14 गावांसाठी खर्च करणे शक्य नाही. 14 गावांना पायाभूत सुविधा पुरविण्याकरीता शासनाकडून अद्याप अनुदान प्राप्त झालेले नाही. तसेच सदरील 14 गावे भौगोलिकदृष्ट्या नवी मुंबई महानगरपालिकेत संलग्न नसल्यामुळे ही 14 गावे नवी मुंबई महानगरपालिकेच्या हद्दीतून वगळण्यास विनंती मंत्री गणेश नाईक यांनी पत्राद्वारे मुख्यमंत्री फडणवीस यांना केली आहे..हे पत्र आता समाज माध्यमातून व्हायरल होत आहे. दरम्यान राष्ट्रवादी शरद पवार पक्षाकडून संतप्त प्रतिक्रिया आलीये. तो जी आर म्हणजे काय आम्हाला लॉलीपॉप दिलाय का? असा सवाल उपस्थित केला आहे.नवी मुंबई महापालिकेत 14 गावांचा समावेश केला गेला. लोकसभा निवडणुकी दरम्यान त्याविषयी शासनाचा जीआर देखील प्रसिद्ध झाला. मात्र आता मंत्री गणेश नाईक यांनी 14 गावे नवी मुंबई महानगरपालिकेच्या हद्दीतून वगळण्याची विनंती मुख्यमंत्री फडणवीस यांच्या कडे पत्राद्वारे केली आहे. हे समजताच राष्ट्रवादी शरदचंद्र पवार गटाकडून पहिली संतप्त प्रतिक्रिया आली आहे..शरद पवार गटाचे कल्याण ग्रामीण कार्यअध्यक्ष जीवन वालीलकर यांनी सांगितले, 14 गावातील ग्रामस्थ आणि शरद पवार गटाचे कल्याण ग्रामीण कार्यअध्यक्ष जीवन वालीलकर यांनी पत्रकाराशीं बोलताना सांगितले की प्रशासनाला प्रश्न आहे की नवी मुंबई महापालिकेत 14 गावे समाविष्ट करण्याचा जो जीआर दिला आहे, तो जी आर म्हणजे काय आम्हाला लॉलीपॉप दिलाय का? जीआरची अंमलबजावणीसाठी एक वर्ष होऊन गेले. कुठल्याही प्रकारची अंमलबजावणी झालेली नाही, लोकसभेची निवडणूक लक्षात घेता यासाठी हा जीआर आम्हाला गेला होता का? आणि या जीआरचा आमच्या 14 गावाला काहीच फायदा झाला नाही.. आत्तापर्यंत नवी मुंबई महापालिकेने 14 गावातील ग्रामपंचायतीचा ना कब्जा घेतला.. ना कुठल्या प्रकारचा विकास काम केली.. हा जीआर म्हणजे आम्हाला दिलेले एक गाजर आहे.. लोकसभेच्या वेळी 14 गावांमध्ये थोडीफार काम केली, त्यानंतर ती कामे बंद झाली..नंतर विधानसभेच्या आधी कामे केली त्यानंतर ती कामे बंद झाली आहेत.आज 14 गावांची परिस्थिती पाहता पिण्याच्या पाण्याचा प्रश्न आहे.अंतर्गत रस्त्याची दुरावस्था झाली आहे. विकास आमच्या 14 गावात झालेला नाही.नाईक साहेबांनी जी भूमिका घेतली आहे, ती 14 गावं विरोधी भूमिका घेतली आहे, ही चुकीची भूमिका आहे आणि त्यांचा 14 गावांना असलेला विरोध स्पष्ट दिसत आहे, असे सांगितले..काय म्हटले आहे पत्रात...नगर विकास विभाग अधिसूचना दि.7.3.2024 अन्वये नवी मुंबई महानगरपालिकेमध्ये १) यहिसर, २) पिंपरी, ३) वालिवली, ४) भंडाली, ५) गोटेघर, ६) मोकाशी, ७) उत्तरशिव, ८) नागांव, ९) नायाळी, १०) निघु, ११) नारीवली, १२) बामाली, १३) वाकळण व १४) बाळे या 14 गावांचा समावेश करण्यात आलेला आहे. उपरोक्त 14 गावाचे एकूण क्षेत्र 20.89 चौ. कि. मी. असून तेथील मुळ गावठाणाव्यतिरिक्त गायरान व वनजमिनीवर मोठ्या प्रमाणात अतिक्रमण झालेले आहे..14 गावे ही ठाणे तालुक्यात समाविष्ट असून त्यांचा समावेश ठाणे पोलिस आयुक्तालयात आहे. तसेच सदर गाये कल्याण लोकसभा मतदार संघात समाविष्ट आहेत. या 14 गावांमधील 4 गावांच्या एका बाजूस ठाणे महानगरपालिका, दुसऱ्या बाजूस पनवेल महानगरपालिका, तिसऱ्या बाजूस कल्याण-डोंबिवली महानगरपालिका, चौथ्या बाजूस पारसिक डोंगर आहे. या 14 गावांतून नवी मुंबईकडे जाण्यासाठी ठाणे महानगरपालिकेच्या हद्दीतून अथवा पनवेल महानगरपालिकेच्या हद्दीतून जावे लागते. त्यामुळे नवी मुंबईसाठी ही 14 गाये भौगोलिकदृष्टया नयी मुंबई महानगरपालिकेच्या हद्दीमध्ये समाविष्ट करणे व्यावहारिक होणार नाही..नवी मुंबई महानगरपालिकेच्या अंदाजानुसार सदरील गावांमध्ये विविध नागरी सुविधा पुरविण्यासाठी सुमारे रु.6,100 कोटी एवढा खर्च अपेक्षित आहे. तेथील पायाभूत सुविधांची मोठ्या प्रमाणात दुरावस्था झालेली असून निव्वळ गावठाणातील नागरीकांना मुलभूत सुविधा पुरविण्यासाठी रु.511.00 कोटी इतका खर्च अपेक्षित आहे. आयुक्त तथा प्रशासक, नवी मुंबई महानगरपालिका यांनी दि.28.08.2022 च्या पत्रान्वये प्रधान सचिव, नगरविकास विभाग यांना रु. 6,100 कोटी इतका खर्च होणार असलेबाबत व दि.28.08.2024 च्या पत्रान्वये सदरचे अनुदान उपलब्ध करण्याची विनंती केली आहे..Malegaon Protest : माळेगावात सत्ताधाऱ्यांविरुद्ध जागरण गोंधळ आंदोलन; शरद पवार पक्षाचे कार्यकर्ते उतरले रस्त्यावर.तसेच दि.04.02.2025 च्या पत्रान्वये जिल्हाधिकारी, ठाणे यांना उपरोक्त 14 गावांना पायाभूत सुविधा पुरविण्याकरीता निधी उपलब्ध करण्याची विनंती केली आहे. परंतू शासनाकडून अद्याप अनुदान प्राप्त झालेले नाही. नवी मुंबई महानगरपालिकेच्या अर्थसंकल्पीय निधीमधून एवढा खर्च करणे शक्य नसल्यामुळे तसेच सदरील 14 गावे भौगोलिकदृष्ट्या नवी मुंबई महानगरपालिकेत संलग्न नसल्यामुळे ही 14 गावे नवी मुंबई महानगरपालिकेच्या हद्दीतून वगळण्यास विनंती आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Ganesh Naik : 14 गावे नवी मुंबई महापालिका हद्दीत समाविष्ट करण्याच्या निर्णयाला, वनमंत्री गणेश नाईक यांनी केला विरोध

Related Stories