सायन हॉस्पिटलच्या डीन यांना मृतदेह प्रकरण भोवलं, सरकारने घेतला सर्वात मोठा निर्णय | Sakal
sakal

बोलून बातमी शोधा

सायन हॉस्पिटलच्या डीन यांना मृतदेह प्रकरण भोवलं, सरकारने घेतला सर्वात मोठा निर्णय

डॉ. इंगळेंच्या जागी डॉ. भारमल यांची नियुक्ती ...

सायन हॉस्पिटलच्या डीन यांना मृतदेह प्रकरण भोवलं, सरकारने घेतला सर्वात मोठा निर्णय

मुंबई : सायन रुग्णालयातील मृतदेह प्रकरण भोवल्याने रुग्णालयाचे अधिष्ठाता डॉ प्रमोद इंगळे यांची पदावरून उचलबांगडी करण्यात आली असून त्यांच्या जागी डॉ रमेश भारमल यांची नियुक्ती करण्यात आली आहे.

मुंबईकरांसाठी आनंदाची बातमी, यंदा सतावणार नाही 'ही' कटकट

कोरोना संसर्ग वाढल्याने कोरोना रुग्ण आणि मृत्यू होण्याच्या घटनांमध्ये प्रचंड वाढ झाली आहे. रुग्णालये तुडुंब भरले असून एका रुग्णालयात दररोज साधारणता 7 ते 8 रुग्ण दगावत आहेत. दोन दिवसांपूर्वी सायन रुग्णालयातील कोरोना वॉर्ड मध्ये काही रुग्ण दगावले , मात्र त्यांचे शव काळ्या प्लास्टिकच्या आवरणात गुंडाळून तसेच वॉर्ड मधील स्ट्रेचर वर पडून होते. शव असलेल्या स्ट्रेचर च्या बाजूलाच इतर रुग्ण आणि त्यांचे नातेवाईक ही होते. या प्रकारामुळे मृतदेहांची हेळसांड ता झालीच शिवाय संसर्ग पसरण्याचा धोका ही निर्माण झाला.

अरे बापरे ! "जून आणि जुलैमध्ये येणार कोरोनाची मोठी लाट"

कोरोना वॉर्ड मधील या विदारक परिस्थितीचा धक्कादायक व्हिडीओ व्हायरल झाल्यानंतर एकच खळबळ माजली. सायन रुग्णालयातील या प्रकारावरून सर्वच स्तरात संताप व्यक्त करण्यात आला. पालिकेने या प्रकरणाची गंभीर दखल घेऊन चौकशी समिती नेमून तातडीने चौकशी सुरू केली. चौकशीत रुग्णालय प्रशासनाने हलगर्जीपणा केल्याचे समोर आले आहे. हा सर्व प्रकार रूग्णालयाचे अधिष्ठाता डॉ प्रमोद इंगळे यांना चांगलाच भोवला असून त्यांना पदावरून हटवण्यात आले आहे. त्यांची बदली बायोमेट्रिक विभागाच्या प्रमुख पदावर करण्यात आली आहे. त्यांच्याजागी पालिकेच्या प्रमुख रुग्णालायांचे संचालक डॉ रमेश भारमल यांची नियुक्ती करण्यात आली आहे. डॉ भारमल यांनी यापूर्वी नायर रुग्णालयाचे अधिष्ठाता म्हणून काम पाहिले आहे.

government took decision to transfer of dean of sion hospital after unattended body in hospital 

Web Title: Government Took Decision Transfer Dean Sion Hospital After Unattended Body Hospital

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top