पेण - पेण तालुक्यातील मळेघर ग्रामपंचायत हद्दीतील घराचा असेसमेंट उतारा देण्यासाठी पाच हजार रुपयांची लाच स्वीकारताना मळेघर ग्रामपंचायतीचे ग्रामसेवक परमेश्वर सवाईराम जाधव (वय-४८) यास नवी मुंबई लाच लुचपत प्रतिबंधक विभागाच्या पथकाने शुक्रवारी दि. ११ रोजी अटक करण्यात आली आहे.
या बाबत सविस्तर वृत्त असे कि तक्रारदार हे वकिल असून त्यांचे आशिल यांना कोर्टाचे कामकाजासाठी तसेच एम.एस.इ.बी. येथे सादर करण्यासाठी त्यांचे वडगाव तालुका पेण येथील घराचा असेसमेंट उतारा आवश्यक असल्याने तो मिळण्याकरिता तक्रारदार यांचे अशील यांनी ग्रामपंचायत अधिकारी मळेघर पेण यांचे कडे दिनांक १७ मार्च २०२५ रोजी अर्ज केला होता.
परंतु तक्रारदार यांचे अशील हे वयोवृद्ध असल्याने त्यांनी सदर असेसमेंट कागदपत्र प्राप्त करण्यासाठी तक्रारदार यांचे नावे दोन दिवसांपूर्वीच कुलमुक्त्यार पत्र तयार करून दिले होते.त्याअनुषंगाने तक्रारदार यांनी त्यांच्याशी फोनवरून संपर्क करून नमूद कामाबाबत विचारणा केली असता, सदर कामाकरिता तक्रारदार यांचे कडे पाच हजार रुपयांची मागणी केली.
मात्र याबाबत तक्रारदार याना नवी मुंबई लाचलुचपत प्रतिबंधक विभाग येथे येऊन तक्रार त्या प्राप्त तक्रारीनुसार दिनांक ११ मार्च २०२५ रोजी शासकीय पंचा समक्ष पडताळणी करण्यात आली असता आरोपी ग्रामसेवक परमेश्वर सवाईराम जाधव यांनी पाच हजार रुपये लाचेची मागणी करून स्वीकारल्यामुळे त्यास अटक करून भ्रष्टाचार प्रतिबंध अधिनियम १९८८ (सुधारित२०१८) कलम ७ अन्वये गुन्हा दाखल केला आहे पुढील कार्यवाही पेण पोलिस ठाणे येथे सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.