मुंबई: दहीहंडी (dahihandi) उत्सव साजरा करण्यासाठी महाराष्ट्र नवनिर्माण सेना (mns) आक्रमक होत चालली आहे. ठाण्यात आयोजनावर ठाम असलेले मनसे नेते अविनाश जाधव (avinash jadhav) आणि काही कार्यकर्त्यांना पोलिसांनी ताब्यात घेतल्यानंतर आता संदीप देशपांडे (sandeep deshpande) यांनी टि्वट करुन दहीहंडी उत्सव साजरा करण्याचा आवाज दिला आहे.
कोरोनामुळे दहीहंडी उत्सव साजरा करण्यावर ठाकरे सरकारने बंदी घातली आहे. पण दहीहंडीचे मोठे आयोजक असलेले घाटकोपरचे भाजपा आमदार राम कदम, अविनाश जाधव उत्सवाच्या आयोजनावर ठाम आहेत. मनसेने हा विषय हिंदु सणांशी जोडला आहे. 'जर ठाण्यात दही हंडी साजरी करू दिली नाही तर दादर मध्ये साजरी करू' अशी भूमिका संदीप देशपांडे यांनी घेतली आहे. त्यामुळे पोलिसांनी रोखण्याचा प्रयत्न केला, तर संघर्ष होण्याची दाट शक्यता आहे.
नौपाडा परिसरातील (thane dahihandi) भगवती शाळेच्या मैदानात दहीहंडी उत्सवावरुन पोलीस आणि मनसैनिक आमने-सामने आले होते. मनसैनिकांकडून दहीहंडीसाठी स्टेज उभारण्याचे काम सुरु असताना पोलीस तिथे येऊन पोहोचले.
त्यांनी स्टेज उभारण्याचं काम रोखलं व दहीहंडीचे आयोजक मनसे नेते अविनाश जाधव यांना ताब्यात घेतलं. हिंदुंच्या सणांना खीळ घालण्याचा प्रयत्न सुरु आहे, असा सूर आहे. मोर्चे, सभा, आंदोलनं, लग्न याला गर्दी चालते, आणि दहीकाला उत्सवाला निर्बंध का? असा सवाल आहे. मनसेला दहीहंडी उत्सव साजरा करण्यापासून रोखण्यासाठी पोहोचलेल्या पोलिसांशी अविनाश जाधव यांचा शाब्दीक वाद झाला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.